Ezekiel 18:20 - An Bibel Kernewek 20234 (Kernewek Kemmyn)

²⁰ An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Ezekiel 18:20 ပူးပေါင်းရင်းမြစ်များ

2 Myghternedh 14:6

Mes ny ladhas fleghes an voldroryon, herwydh an pyth yw skrifys yn lyver lagha Moyses, le may worhemmynnis an Arloedh, ‘Ny vydh tasow ledhys rag mebyon, ha ny vydh mebyon ledhys rag tasow; mes pubonan a vydh ledhys rag y begh y honan.’

Dewteronomi 24:16

Ny vydh tasow gorrys dhe'n vernans rag mebyon, ha ny vydh mebyon gorrys dhe'n mernans rag tasow. Peub a vydh gorrys dhe'n mernans rag y beghes y honan.

Ezekiel 18:4

Otta, oll an enevow yw dhymm; keffrys enev an tas hag enev an mab yw dhymm. An enev a begh a verow.

2 Kroniklys 25:4

Mes ny ladhas aga mebyon, herwydh an pyth yw skrifys y'n lagha yn lyver Moyses, le may hworhemmynnis an Arloedh, ‘Ny vydh tasow ledhys a-barth mebyon, na mebyon a-barth tasow, mes pubonan a ledhir rag y beghes y honan.’

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

1 Myghternedh 8:32

ena, klew yn nev, ha gweythres, ha breus dha wesyon, ow tampnya an den kablus dre dhri y fara war y benn y honan ha previ ewn an den gwiryon orth y wobra herwydh y ewnder.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.

2 Kroniklys 6:23

klew dhiworth nev hag oberi; breus dha wesyon, owth attyli dhe'n den kablus dre dhri y fara war y benn y honan, hag owth ewnhe den gwiryon, ha'y rewardya herwydh y wiryonedh.

Niverow 18:1

Ytho an Arloedh a leveris dhe Aron: Ty ha'th vebyon ha chi dha das genes a wra doen kammweyth an sentri; ha ty ha'th vebyon genes a wra doen kammweyth agas oferyaseth.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

Levitikus 5:17

Ha mar pegh den ha gul neppyth erbynn onan a worhemmynnow an Arloedh na dal bos gwrys, kyn fo heb y wodhvos, kablus vydh, hag ev a dheg an blam a'y gammweyth.

Ezekiel 33:10

Ha ty, A vab den, lavar dhe ji Ysrael, Yndella y leversowgh, ‘Beghys on i gans agan kammweythresow ha'gan peghosow, ha ni a wra pedri ynna: ytho fatell vewyn?’

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Levitikus 5:1

Mar pegh den, ow klewes molleth poblek, hag ev dustunier neb a welas an mater po a glewas anodho, mar ny gews anodho, ev a dheg an blam a'y gammweyth.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Ezekiel 18:13

neb a re rag oker ha kemmeres goroker: a wra ev bewa? Ny vew; ev re wrug oll an taklow kasadow ma; ev a vydh gorrys dhe'n mernans yn sur; y woes a vydh warnodho y honan.

Levitikus 19:8

Neb a'n deppro a dheg y gammweyth, rag ev re dhefolas an pyth yw sans dhe'n Arloedh, ha'n den na a vydh treghys dhe-ves dhiworth y bobel.

Ezekiel 18:30

Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

2 Kroniklys 6:30

klew dhiworth nev, tyller dha drigva, gav, hag attal dhe beub herwydh aga fara, rag ty unnsel a woer kolonn tus.

1 Myghternedh 14:13

Ysrael oll a gyn ragdho ha'y ynkleudhyas; rag a deylu Yeroboam ny vydh saw unnsel ev ynkleudhys yn ewn y'n bedh, drefenn ynno yw kevys neppyth plegadow dhe'n Arloedh, Duw Ysrael, yn chi Yeroboam.

Levitikus 16:22

Ha'n bogh a berth warnodho oll aga hammweythresow bys yn tir ynyal, hag ev a dhelirv an bogh dhe wari y'n difeythtir.

Levitikus 10:17

‘Prag na wrussowgh hwi dybri an offrynn pegh y'n tyller sans? rag yth yw an moyha sans, res dhywgh dhe berthi kammweyth an kuntelles ha gul dehwelyans ragdha dherag an Arloedh.

Ezekiel 4:4

Ha ty, growedh war dha denewen kledh, ha gorr anewnder chi Ysrael warnas. Rag niver an dydhyow a wrowedhydh warnodho, ty a berth aga anewnder.

Niverow 15:31

Drefenn ev dhe dhispresya ger an Arloedh, ha treghi y worhemmynn, an den na a vydh treghys dhe-ves yn tien; y gammweyth a vydh warnodho.

Ezekiel 14:14

hwath kyn fe an tri gour ma ynno, Noy, Daniel, ha Job, ny allsens delivra marnas aga enevow aga honan der aga gwiryonedh, yn-medh an Arloedh Duw.

Ezekiel 14:16

hwath kyn fe an tri gour ynno, dell vewav, yn-medh an Arloedh Duw, ny allsens delivra naneyl mebyon na myrghes. I aga honan a via delivrys, mes an tiredh a via ynyal.

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.

Eksodus 32:33

Mes an Arloedh a leveris dhe Moyses, ‘Neb re beghas er ow fynn, my a wra y dhefendya ev a'm lyver.