Ezekiel 17:9 - An Bibel Kernewek 20234 (Kernewek Kemmyn)

⁹ Lavar: Yndellma y lever an Arloedh Duw: A sewen? A ny denn ev y wreydhyow yn-bann, ha terri y frut rag may hwetthro, hag oll y varrennow yr a wedher? Ny vydh gans leuv grev na meur a bobel y fydh tennys yn-bann dhiworth y wreydhyow.

Ezekiel 17:9 ပူးပေါင်းရင်းမြစ်များ

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Yeremia 32:5

hag ev a hembronk Sedekia dhe Babylon, hag ena ev a vydh bys pan dhov dhodho, yn-medh an Arloedh; kynth omledhowgh erbynn an Kaldeanys, ny sewenowgh?’

Yeremia 37:10

Hwath mar fethsowgh lu kowal an Kaldeanys a omladh er agas pynn, ha ny wortas marnas gwer wanyes, pubonan yn y dylda, i a sev ha leski an sita ma gans tan.

Ezekiel 17:10

Mars yw treusplynsys, a wra ev sewena? Pan wra gwyns an est y dochya a ny wra ev gwedhra oll yn tien, gwedhra y'n dor may tevis?

Ezekiel 17:8

Y feu treusplynsys dhe dhor da ryb lies dowr dhe wul skorr ha dhe dhoen frut, dhe vos gwinbrenn bryntin.

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Niverow 14:41

Mes Moyses a leveris, ‘Prag yth esowgh ow kammdremena erbynn arghadow an Arloedh? rag ny wra henna seweni.