Ezekiel 17:3 - An Bibel Kernewek 20234 (Kernewek Kemmyn)

³ Lavar: Yndellma y lever an Arloedh Duw: Er bras gans eskelli bras ha pluvennow hir, leun a bluv liesliw, a dheuth dhe Lebanon ha kemmeres an ughella skorrenn a gederwydhenn;

Ezekiel 17:3 ပူးပေါင်းရင်းမြစ်များ

Yeremia 24:1

An Arloedh a dhiskwedhas dhymm, hag otta, dew ganstell a figys a veu gorrys a-rag tempel an Arloedh wosa Nebukadnessar myghtern Babylon dhe dhoen yn divroedh Yekonia mab Yehoyakim myghtern Yuda, ha pennsevigyon Yuda, gans an seri prenn ha'n wovyon, a-dhiworth Yerusalem, ha'ga dri dhe Babylon.

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 48:40

Rag yndellma y lever an Arloedh: Otta, ev a nij yn-nans avel er, ha lesa y dhiwaskell erbynn Moab;

Yeremia 49:16

An browagh gwrys genes ha goeth dha golonn re's toellas, ty usi trigys yn folsyow an garrek, neb a syns ughelder an vre. Kyn hwredh dha neyth mar ughel ages an er, alena my a'th tre dhe'n leur, yn-medh an Arloedh.

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Ezekiel 17:4

ev a dorras penn hy barrennow ha'y dri dhe bow a genwerth, ha'y settya yn sita a wikoryon.

Ezekiel 17:7

Yth esa er bras arall gans eskelli bras ha pluv pals; hag otta, an gwinbrenn ma a dreylyas y wreydhyow dhodho; hag a dhannvonas y varrennow dhodho, may hwrella y dhowrhe dhiworth an dor may feu plynsys.

Ezekiel 31:3

Otta Assyria, kederwydhenn yn Lebanon, gans skorr teg, ow ri skeus dhe'n koes, meur hy ughelder; hy thopp a veu ynter an kommol.

Daniel 2:38

Ha plepynag eus trigys mebyon den, bestes gwyls hag ydhyn an ebron, ev re's gorras y'th torn, ha gul orthis rewlya warnedha oll. Ty yw an penn a owr.

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 7:4

An kynsa o kepar ha lew, hag a'n jevo eskelli er. Ha my ow mires, y dhiwaskell a veu dibluvys, hag y feu sevys dhiwar an dor ha gorrys dhe sevel war y dhewdroes avel den; ha kolonn den a veu res dhodho.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Habakkuk 1:8

Skaffa ages lewpardes yw aga mergh, ha gwylsa yns ages bleydhi an gorthugher: aga marghogyon a boen yn-mes, ha'ga marghogyon a dheu dhiworth pell. I a nij kepar ha'n er a fisten dhe dhybri;

Matthew 24:28

Pyle pynag a vo an korf marow, ena yth omguntell an eryon.

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,