Ezekiel 17:22 - An Bibel Kernewek 20234 (Kernewek Kemmyn)

²² Yndellma y lever an Arloedh Duw: My ow honan a gemmer skyllenn dhiworth topp ughel an gederwydhenn, ha'y settya y'n dor; dhiworth topp hy barrennow yowynk my a derr skyllenn bleudh; my ow honan a's plans war venydh pur ughel.

Ezekiel 17:22 ပူးပေါင်းရင်းမြစ်များ

Salmow 2:6

‘My re worras ow myghtern war Sion, ow menydh sans.’

Salmow 72:16

Re bo kals ys y'n tir ow tegrena war benn an menydhyow; re bo y frut avel Lebanon, ha re sewenno tus an sita avel gwels an dor.

Salmow 80:15

an winlann a blansas dha leuv dhyghow, ha'n skorrenn a wrussys mar grev ragos jy dha honan.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Ezekiel 34:29

My a brovi ragdha tyller gerys-da rag plansa, ha ny vydhons kemmerys arta gans divoetter y'n tir, na berthi arta despit a'n kenedhlow.

Ezekiel 37:22

My a's gwrav unn genedhel y'n tir war venydhyow Ysrael, hag unn myghtern a vydh myghtern dhedha i oll, ha ny vydhons arta diw genedhel.

Ezekiel 40:2

Ev a'm dros, yn gwelesigethow a Dhuw, dhe bow Ysrael, ha'm settya war venydh pur ughel, may feu warnodho neppyth haval dhe sita a-dhyghowbarth.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Zekaria 3:8

Goslow, a Yoshua an arghoferyas, ty ha'th keskowetha owth esedha a-ragos, rag tokyn yns i, my dhe dhri ow gwas, an Skorrenn.