Ezekiel 17:19 - An Bibel Kernewek 20234 (Kernewek Kemmyn)

¹⁹ Rakhenna yndellma y lever an Arloedh Duw: Dell vewav, my a attal war y benn ow ti a dhispresyas, ha'm kevambos a dorras.

Ezekiel 17:19 ပူးပေါင်းရင်းမြစ်များ

Yeremia 5:9

A ny wrav aga hessydhya drefenn an traow ma? yn-medh an Arloedh: hag a ny vydh ow enev diellys war genedhel a'n par ma?

Yeremia 5:2

Kyn leverons, ‘Dell vew an Arloedh’, yn sur i a de yn fals.

Dewteronomi 5:11

Na gemmer hanow an Arloedh dha Dhuw yn euver, rag ny wra an Arloedh y asa heb kessydhyans neb a gemmer y hanow yn euver.

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Ezekiel 16:59

Rag yndellma y lever an Arloedh Duw: My a wra genes kepar dell wrussys, rag ty dhe dhispresya an ti, ow terri an kevambos.

Ezekiel 17:18

Drefenn ev dhe dhispresya an ti, ow terri an kevambos, hag ow ri y leuv, ha gul oll an taklow ma, ny skap.

Ezekiel 17:20

My a les ow roes warnodho, hag ev a vydh kechys y'm antell, ha my a'n dre dhe Babylon ha'y vreusi ena, drefenn ev dhe vos dislel dhymm.

1 Myghternedh 2:32

Ha'n Arloedh a wra dh'y woes dehweles war y benn ev y honan, rag heb godhvos ow thas Davydh, ev a goedhas war dhew wour moy gwiryon ha gwell agesso ev, ha'ga ladha gans an kledha: Abner mab Ner, kapten lu Ysrael, hag Amasa mab Yether, kapten lu Yuda.

1 Myghternedh 2:33

Dehweles a wra aga goes war benn Yoab, ha war benn y has bys vykken; mes dhe Davydh, ha dh'y has, ha dh'y ji, ha dh'y dron, y fydh kres bys vykken dhiworth an Arloedh.’

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Ezekiel 16:43

Drefenn na berthsys kov a dhydhyow dha yowynkneth, mes ty a'm sorras gans oll an taklow ma, otta, my ynwedh a attal dha fordh war dha benn, yn-medh an Arloedh Duw. A ny wrussys vilta dres oll dha daklow kasadow?