Ezekiel 17:17 - An Bibel Kernewek 20234 (Kernewek Kemmyn)

¹⁷ Ny vydh Faro gweres dhodho yn bresel, gans y lu bras hag ost meur, pan vydh gweythyow-esedhva krugys, ha pan vydh touryow-esedhva drehevys dhe dreghi dhe-ves lies enev.

Ezekiel 17:17 ပူးပေါင်းရင်းမြစ်များ

Yeremia 37:7

Yndellma y lever an Arloedh, Duw Ysrael: Yndellma hwi a lever dhe vyghtern Yuda, a'gas tannvonas dhymm dhe wovynn a-dro dhymm: Lu Faro esa ow tos dh'agas gweres, a dhehwel dhe Ejyp, dh'aga thir aga honan.

Ezekiel 4:2

Ena gwra esedhva er hy fynn, ha drehevel tommenn er hy fynn, ha krugya gweyth-esedhva er hy fynn, ha settya kampow er hy fynn, ha gorra er hy fynn hor'bennow a-derdro.

Ysay 36:6

Otta, ty a fydh yn lorgh an gorsenn drogh ma, Ejyp, a enter ha gwana leuv an gour a boes warnedhi. Yndella yw Faro myghtern Ejyp, dhe vyns a drest ynno.

Yeremia 37:5

Ena lu Faro re dhothya yn-mes a Ejyp; ha pan glewas an Kaldeanys esa yn esedhva war Yerusalem nowodhow anedha, i a gildennas a-dhiworth Yerusalem.

Kynvannow 4:17

Hwath agan dewlagas a fyllis, ow kortos difres yn euver; yn agan goelva ni a woelyas rag kenedhel na allas sawya.

Yeremia 52:4

Hag yn nawves blydhen y reyn, y'n degves mis, yn degves dydh an mis, Nebukadnessar myghtern Babylon a dheuth gans oll y lu erbynn Yerusalem, hag i a gampyas a-dro dhedhi; i a dhrehevis touryow-esedhva er y bynn oll a-dro.

Yeremia 33:5

Yma an Kaldeanys ow tos dhe omladh ha dh'aga lenwel gans korfow marow an re a ledhis vy yn ow sorr hag yn ow honnar, rag my re gudhas ow fas a'n sita ma drefenn aga drogedh.

Daniel 11:15

Ena myghtern an gledhbarth a dheu, ha krugya gweyth-esedhva, ha kemmeres sita krev hy fosow. Ny wra breghow an gledhbarth perthi, na'y soudoryon dhewisys, rag ny vydh dhedha nerth dhe sevel er y bynn.

Dewteronomi 20:20

Saw gwydhenn a wodhes nag yw gwydhenn boes, honna y hyllydh distrui ha treghi rag drehevel tommenn erbynn an dre a woestel bel er dha bynn, bys pan goettho.