Ezekiel 17:16 - An Bibel Kernewek 20234 (Kernewek Kemmyn)

¹⁶ Dell vewav vy, yn-medh an Arloedh Duw, ev a verow yn Babylon, yn tyller an myghtern a'n gwrug ev myghtern; may tispresyas y li, ha terri y gevambos.

Ezekiel 17:16 ပူးပေါင်းရင်းမြစ်များ

2 Samuel 21:2

Ytho an myghtern a elwis an Gibeonysi ha kewsel orta. (Lemmyn nyns esa an Gibeonysi mebyon Ysrael, mes dhiworth remenant an Amorysi; mebyon Ysrael re dosa dhedha dh'aga sparya, mes Sowl a hwilas aga distrui, drefenn y vos diwysyk rag mebyon Ysrael ha Yuda.)

2 Myghternedh 24:17

Ha myghtern Babylon a wrug dhe Mattania, ewnter Yehoyakin, bos myghtern yn y le, ha chanjya y hanow dhe Sedekia.

2 Myghternedh 24:20

Dhe wir, kemmys y sorras Yerusalem ha Yuda an Arloedh ma's estewlis dhiworth y lok. Sedekia a rebellyas erbynn myghtern Babylon.

Salmow 15:4

neb a dhispres an podrynn yn y wolok ev, ha neb a wordh an re a berth own a'n Arloedh; neb a de ti kyn fo dh'y dhregynn y honan ha ny dreyl dhiworto;

Eksodus 20:7

Na gemmer hanow an Arloedh dha Dhuw yn euver; rag ny wra an Arloedh y asa heb kessydhyans neb a gemmer y hanow yn euver.

Eksodus 8:2

Mes mara's neghydh a vones, otta, my a wra plagya oll dha bow gans kwilkynyow;

Yeremia 34:21

Ha Sedekia myghtern Yuda ha'y bennsevigyon a rov yn leuv aga eskerens, hag yn leuv an re a hwila aga bewnans, hag yn leuv lu myghtern Babylon re gildennas ahanowgh.

Yeremia 39:7

Ena ev a dhallhas dewlagas Sedekia ha'y gelmi gans kadonyow, dh'y gemmeres dhe Babylon.

Yeremia 52:11

Ena ev a worras yn-mes dewlagas Sedekia, ha'y gelmi yn kadonyow; ha myghtern Babylon a'n dhug dhe Babylon, ha'y worra yn prison bys yn dydh y vernans.

Ezekiel 12:13

Ha my a les ow roes warnodho, hag ev a vydh kechys y'm antell, ha my a'n dre dhe Babylon, tir an Kaldeanys, mes ny'n gwel, hag ena y ferow.

Ezekiel 16:59

Rag yndellma y lever an Arloedh Duw: My a wra genes kepar dell wrussys, rag ty dhe dhispresya an ti, ow terri an kevambos.

Ezekiel 17:10

Mars yw treusplynsys, a wra ev sewena? Pan wra gwyns an est y dochya a ny wra ev gwedhra oll yn tien, gwedhra y'n dor may tevis?

Ezekiel 17:13

Ena ev a gemmeras onan a'n has ryel ha gul kevambos ganso, ha'y worra yn-dann li. Ynwedh ev a gemmeras ledyoryon an wlas,

Ezekiel 21:23

Mes y fydh haval dhe dhewinieth fals yn aga dewlagas i, an re a dos tiow; mes ev a's kovha a'ga anewnder, may fons kechys.

Hosea 10:4

I a gews geryow, ow kowlia, ow kul kevambos; ha breus a egin avel kegis yn fynnglow an gwel.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Niverow 30:2

Gour pan wra ambos dhe'n Arloedh, po pan de ti dhe omgelmi dre dhedhewadyow, ny wra terri y er; ev a wra herwydh pup-tra a dheu a'y anow.

Romanyon 1:31

tus anfur, dislen, dibita, didruedh.

1 Timothi 1:10

an re a wra fornikasyon gans horys po gwer, an re a lader tus, gowygyon ha gowlioryon, ha pypynag arall yw erbynn dyskas yagh

2 Timothi 3:3

dinatur, avleythys, kammguhudhoryon, direwl, gwyls, ow kasa dader,

Yoshua 9:20

Hemma ni a wra dhedha: Ni a's gas dhe vewa, ma na vydh sorr warnan, drefenn an ti a desen dhedha.’