Ezekiel 16:57 - An Bibel Kernewek 20234 (Kernewek Kemmyn)

⁵⁷ kyns bos dha sherewynsi diskudhys? Lemmyn ty yw testenn a skorn dhe vyrghes Aram, hag oll hy hentrevogyon, dhe vyrghes an Filistysi – myns eus oll a-dro dhis.

Ezekiel 16:57 ပူးပေါင်းရင်းမြစ်များ

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Ysay 14:28

Yn blydhen mernans myghtern Ahaz y feu an profoesans ma:

Ysay 7:1

Yn dydhyow Ahaz mab Yotham mab Uzzia, myghtern Yuda, Resin myghtern Aram ha Pekagh mab Remalia myghtern Ysrael a yskynnas dhe Yerusalem dhe werrya er hy fynn, mes ny allas hy fetha.

Yeremia 33:24

A ny welsys fatell lever an bobel ma, ‘An dhew deylu dewisys gans an Arloedh re beu deneghys ganso’, ha fatell synsons ow fobel yn kemmys bismer ma na vons namoy kenedhel a-ragdha.

Kynvannow 4:22

Kowlwrys yw kessydhyans dha sherewneth, a vyrgh Sion, ny wra ev dha witha yn divroedh na fella; ev re wrug dha gessydhya drefenn dha sherewneth, a vyrgh Edom, ha diskudha dha beghosow.

Ezekiel 16:27

Awotta, my re ystynnas ow leuv warnas ha lehe dha rann a diredh, ha'th worra yn-dann vynnas an re a'th kas, myrghes an Filistysi; i a gemmeras sham a'th fordh vethus.

Ezekiel 16:56

A ny veu dha hwoer Sodom drog-gerys y'th anow yn dydh dha woeth,

Ezekiel 21:24

Rakhenna yndellma y lever an Arloedh Duw: Rag hwi dhe dhri agas kammweyth dh'agas kovadh, dre dhiskudhans agas kammweythresow, may fo gweladow agas peghosow yn oll agas drogoberow – rag hwi dhe dhri hemma dhe govadh, hwi a vydh kemmerys yn leuv an eskar.

Ezekiel 22:4

Ty yw kablus drefenn an goes a skoellsys, ha ty re omdhefolsys der an idolys a wrussys. Ty re dhros dha dhydh nes, ha dos dhe dhiwedh dha vlydhynyow. Rakhenna my re'th wrug skorn dhe'n kenedhlow, ha ges dhe oll an powyow.

Ezekiel 23:32

Yndellma y lever an Arloedh Duw: Ty a yv hanaf dha hwoer, down ha ledan; y fydh dhis rag hwarth ha ges: yma lies synsys ynno.

Ezekiel 27:16

Aram o dha gowethyas yn kenwerth, dre reson dha lies askorr; garnet, purpur, brosweyth, lien fin, koral, ha rubi y rons rag dha wara.

Ezekiel 5:14

Ha my a'th wrav dhe vos tyller a vagoryow ha skorn yn mysk an kenedhlow usi a-dro dhis, yn golok oll an dremenysi

Ezekiel 5:15

Ty a vydh skorn, ha tont, ha bysna hag euth dhe'n kenedhlow a-dro dhis, pan wrav breusow er dha bynn yn sorr hag yn konnar hag yn keredhyow konneryek. My, an Arloedh, re gewsis.

Hosea 2:10

Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.

Sefania 3:19

Otta, y'n termyn na My a ober erbynn oll myns a'th arwask y'n termyn na: ha my a saw an deves klof, ha kuntell an deves skattrys; ha my a's sett rag gormel ha ger-da yn oll an broyow a'ga meth.

Niverow 23:7

Ha Balaam a gemmeras yn-bann y gows, ha leverel, ‘A-dhiworth Aram Balak re'm dros, myghtern Moab a venydhyow an howldrevel: Deus, molleth Yakob ragov, ha deus, kuhudh Ysrael!

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.