Ezekiel 16:30 - An Bibel Kernewek 20234 (Kernewek Kemmyn)

³⁰ Ass yw toemm dha golonn gans fevyr, yn-medh an Arloedh Duw, pan wredh oll an taklow ma, ober hora meur hy maystri,

Ezekiel 16:30 ပူးပေါင်းရင်းမြစ်များ

Salmow 78:37

Rag nyns o aga holonn fast ganso, ha nyns ens i len yn y gevambos.

Lavarow Koth 7:21

Gans lavarow ardhynus hi a'n denn; gans hy diwweus smodh hi a'n dyn.

Lavarow Koth 9:13

An venyn Follneth yw trosek, dibreder yw ha ny woer travyth.

Ysay 1:3

Ojyon a woer y berghennek hag asen presep y vester, mes Ysrael ny woer, ow fobel ny gonvedh.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Ezekiel 16:29

Ty a lieshas dha fornikasyon bys yn Kaldea, tir an wikoryon, ha hwath ny veus gwalghys.

Hosea 9:1

Na lowenha, Ysrael, na heudh kepar ha'n kenedhlow, rag ty re beu dislen dhe'th Tuw; ty a garas gober hora war bub leur-drushya.