Ezekiel 16:3 - An Bibel Kernewek 20234 (Kernewek Kemmyn)

³ ha lavar, Yndellma y lever an Arloedh Duw dhe Yerusalem: Dha dhevedhyans ha'th tineythyans a veu a bow an Kananysi, dha das a veu Amoryas, ha'th vamm a veu Hittyades.

Ezekiel 16:3 ပူးပေါင်းရင်းမြစ်များ

Jenesis 11:25

Ha Nahor a vewas kans blydhen ha nownsek wosa ev dhe dhineythi Teragh, hag ev a dhineythis mebyon ha myrghes.

Jenesis 11:29

Hag Abram ha Nahor a gemmeras gwragedh dhedha aga honan. Hanow gwreg Abram o Saray, ha hanow gwreg Nahor o Milka, myrgh Haran, tas Milka ha tas Yska.

Jenesis 15:16

Y'n peswora henedh i a dhehwel omma; rag ny vydh kowlwrys na hwath kammweyth an Amorysi.’

1 Myghternedh 21:26

Ev a faryas yn kasadow owth holya idolyow, par dell wrussa an Amorysi, neb a veu herdhys yn-mes gans an Arloedh a-rag an Ysraelysi.)

2 Myghternedh 21:11

‘Drefenn Manasse, myghtern Yuda, dhe wul an taklow kasadow ma, ha dhe wul taklow gweth ages pup-tra a wrug an Amorysi esa kyns, ha gul dhe Yuda pegha ynwedh gans y idolys,

Ezra 9:1

Wosa an taklow ma dhe vos kowlwrys, an bennsevigyon a dheuth dhymm, ow leverel, ‘Ny wrug pobel Ysrael, ha'n oferysi ha'n Levysi, dibarth yntra i ha kenedhlow an broyow, ow kul herwydh aga thaklow kasadow, kepar ha'n Kananysi, an Hittysi, an Perizzysi, an Yebusysi, an Ammonysi, an Moabysi, an Ejyptianys, ha'n Amorysi.

Nehemia 9:7

Ty yw an Arloedh, an Duw neb a dhewisas Abram ha'y dhri yn-mes a Ur an Kaldeanys ha chanjya y hanow dhe Abraham;

Ysay 1:10

Klewewgh ger an Arloedh, hwi rewloryon Sodom; goslowewgh orth lagha agan Duw, pobel Gomorra.

Ysay 43:27

Dha gynsa tas a beghas, ha'th leverysi a rebellyas er ow fynn.

Ezekiel 16:2

Mab den, gwra Yerusalem dhe aswonn hy thaklow kasadow,

Ezekiel 16:4

Orth dha enesigeth, y'n jydh may feus genys, ny veu kordenn dha vegel treghys, na ny veus golghys yn dowr rag glanheans, na ny veus rutys gans hoelan, na ny veus maylys yn lystennow.

Ezekiel 16:45

Ty yw myrgh dha vamm, a dhivlasas hy gorti ha'y mebyon; ty yw hwoer dha hwerydh neb a dhivlasas aga gwerti ha'ga mebyon; agas mamm o Hittyades ha'gas tas o Amoryas.

Ezekiel 21:30

Gorr e dh'y woen! Y'n tyller may feus formys, yn tir dha dhalleth y'th vreusav.

Matthew 11:24

Byttegyns, y lavarav dhywgh, y fydh moy perthadow rag tir Sodom dydh breus es dell vydh ragos jy.’

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Luk 3:7

Ytho ev a leveri dhe'n routhow a dheuth mes dhe vos besydhys ganso, ‘Askorr nadres! Piw a'gas gwarnyas dhe fia dhiworth an sorr a dheu?

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Dewteronomi 20:17

mes ty a wra aga sakra dhe dhistruyans: an Hittysi ha'n Amorysi, an Kananysi, ha'n Perizzysi, an Hivysi, ha'n Yebusysi kepar dell worhemmynnis dhis an Arloedh dha Dhuw,

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Yoshua 13:4

war an barth dhyghow; oll tiredh an Kananysi dhiworth Meara yw dhe'n Sidonysi, bys Afek hag or an Amorysi;

Yoshua 24:14

‘Lemmyn ytho perthewgh own a'n Arloedh, ha'y servya yn lenduri hag yn gwirder, ha treyl dhiworth an duwow a wrug agas tasow aga servya dres an avon hag yn Ejyp; ha servyewgh an Arloedh.

1 Yowann 3:10

Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.