Ezekiel 16:25 - An Bibel Kernewek 20234 (Kernewek Kemmyn)

²⁵ Orth penn pub fordh ty a dhrehevis dha dyller ughel, ha gul aborrys dha dekter, hag igeri dha dreys dhe bub tremenyas, ha ty a lieshas dha fornikasyon.

Ezekiel 16:25 ပူးပေါင်းရင်းမြစ်များ

Ezekiel 16:31

ow trehevel dha wrowedhva orth penn pub fordh, hag ow kul dha dyller ughel yn pub plen. Mes ny veus avel hora, rag ty a skonyas gober.

Yeremia 3:2

Drehav dha dhewlagas dhe'n ugheldiryow moel, ha mir: ple na wrowedhsons genes? Ty a esedhas ragdha y'n fordhow kepar ha'n Arab y'n gwylvos; ha ty re dhefolas an tir gans dha horyans ha'th trogedh.

Diskwedhyans 17:16

Ha'n deg korn a welsys ha'n best: an re ma a wra kasa an hora ha'y gul gwastys ha noeth hag a wra dybri hy hig ha'y leski gans tan.

Ezekiel 23:32

Yndellma y lever an Arloedh Duw: Ty a yv hanaf dha hwoer, down ha ledan; y fydh dhis rag hwarth ha ges: yma lies synsys ynno.

Ezekiel 16:15

Mes ty a fydhyas y'th tekter ha dos ha bos hora drefenn dha er-da, ha diveri dha fornikasyon war bub tremenyas, ha bos dhodho.

Yeremia 6:15

Esa meth dhedha pan wrussons pyth kasadow? Na, ny's teva meth vytholl, na ny's teva rudha: rakhenna i a wra koedha yn mysk an re a goedh: y'n termyn ma's kessydhyav i a vydh domhwelys, yn-medh an Arloedh.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Jenesis 38:21

Hag ev a wovynnas orth gwer an tyller na, ow leverel, ‘Ple'ma'n hora-tempel esa yn Enaym, ryb an fordh?’ hag yn-medhons i, ‘Nyns esa hora-tempel mann y'n tyller ma.’

Jenesis 38:14

Ha hi a dhiwiskas hy dillas-gwedhwes ha gwiska vayl, ha'y maylya oll a-dro dhedhi, hag esedha orth porth Enaym usi war an fordh dhe Timna; rag hi a wrussa gweles bos Shela tevys dhe oes ha na via hi res dhodho avel gwreg.

Ysay 23:17

Orth diwedh tri-ugens blydhen, an Arloedh a visit Tyr. Hi a dhehwel dh'y gober, ha gul horyans gans oll gwlaskordhow an bys war enep an nor.

Yeremia 11:15

Pyth yw gwir ow haradow yn ow chi, ha hi ow kul hy drog dowlow? A yll pysadow ha kig sans kemmeres dhe-ves dha debelwrians dhiworthis, po a yllydh diank der an taklow ma? Ena a yllydh bos lowen?

Nahum 3:4

Drefenn myns fornikasyon an hora teg hy semlans, mestres pystri, neb a werth kenedhlow gans hy fornikasyon, ha teyluyow gans hy fystri, –

Yeremia 3:20

Yn sur dell dhiberth gwreg yn traytus a-dhiworth hy gour, yndellma hwi re beu dislel dhymm, A ji Ysrael, yn-medh an Arloedh.