Ezekiel 16:17 - An Bibel Kernewek 20234 (Kernewek Kemmyn)

¹⁷ Ty a gemmeras dha degynnow teg a'm owr ha'm arghans a res dhis, ha gul ragos dha honan imajys gorow ha gul fornikasyon gansa.

Ezekiel 16:17 ပူးပေါင်းရင်းမြစ်များ

Hosea 10:1

Ysrael yw gwinbrenn lies-skorrek, a dheg frut pals. Dhe voy y frut, dhe voy y kressyas an alteryow; dhe voy dader y dir, dhe voy y hwrussons peulveyn teg.

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Ezekiel 16:11

My a'th afinas gans tegennow ha gorra breghelligow war dha dhiwla ha torgh war dha gonna.

Yeremia 3:9

Hag y hwarva drefenn skavder hy horyans, hi dhe dhefola an tir, ha gul avoutri gans men ha gans prenn.

Ezekiel 16:12

My a worras bysow war dha droen, ha skinennow war dha dhiwskovarn, ha kurun deg war dha benn.

Ezekiel 16:13

Yndella ty a veu afinys gans owr hag arghans; dha dhillas o sendal hag owrlin, ha pows vrosyes; ty a dhybris bleus fin ha mel hag olew; hag yth es teg dres eghenn, ha ty a sewenis bys yn myghternsys.

Ezekiel 16:16

Ha ty a gemmeras re a'th tillas, ha gul ragos dha honan tylleryow ughel liesliw, ha gul fornikasyon warnedha. Ny dal hwarvos, na ny vydh.

Ezekiel 16:18

Ty a gemmeras dha bowsyow brosys dh'aga hudha, ha settya ow olew ha'm ynkys a-ragdha.