Ezekiel 16:12 - An Bibel Kernewek 20234 (Kernewek Kemmyn)

¹² My a worras bysow war dha droen, ha skinennow war dha dhiwskovarn, ha kurun deg war dha benn.

Ezekiel 16:12 ပူးပေါင်းရင်းမြစ်များ

Jenesis 24:47

Ena my a wovynnas orti, “Piw osta myrgh dhodho?” Hi a leveris, “Myrgh Bethuel, mab Nahor a dhineythis Milka dhodho.” Ytho my a worras an bysow war hy dewfrik ha'n breghelligow war hy diwla.

Lavarow Koth 25:12

Avel skinenn a owr po tegenn a owr fin yw keredh den fur dhe skovarn ow koslowes.

An Gan a Ganow 1:10

Teg yw dha dhiwvogh gans kadonyow a degennow, dha gonna gans tergh a gregyn.

An Gan a Ganow 1:11

Ni a wra garlontow a owr dhiso, gans bannaghow a arghans.

Ysay 28:5

Y'n jydh na Arloedh an luyow a vydh kurun a glori, garlont a dekter rag remenant y bobel,

Ysay 3:19

an skinennow, an breghelligow, ha'n vaylys;

Ysay 3:21

an bysowyer sel ha'n bysowyer troen;

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Ezekiel 16:14

Dha hanow eth yn-mes yn mysk an kenedhlow drefenn dha dekter, rag y feu perfydh der an splannder a worris warnas, yn-medh an Arloedh Duw.

Ezekiel 16:17

Ty a gemmeras dha degynnow teg a'm owr ha'm arghans a res dhis, ha gul ragos dha honan imajys gorow ha gul fornikasyon gansa.

Ezekiel 21:26

yndellma y lever an Arloedh Duw: Diwisk an tulyfant ha kemmer dhe-ves an gurun; ny vydh par dell veu. Ughelha an isel, hag uvelha an ughel.

Ezekiel 23:42

Yth esa son routh dhigeudh a-dro dhedhi; Sabaysi a veu dres dhiworth an gwylvos war-barth gans gwer gemmyn, hag i a worras breghelligow war dhiwla an dhiw venyn, ha kurun deg war aga fenn.

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.