Ezekiel 16:11 - An Bibel Kernewek 20234 (Kernewek Kemmyn)

¹¹ My a'th afinas gans tegennow ha gorra breghelligow war dha dhiwla ha torgh war dha gonna.

Ezekiel 16:11 ပူးပေါင်းရင်းမြစ်များ

Jenesis 24:22

Wosa an kowrvergh dhe worfenna eva, an gour a gemmeras bysow owrek, hanter shekel hy foes, ha dew vreghellik rag hy diwla, deg shekel owr aga foes,

Jenesis 24:47

Ena my a wovynnas orti, “Piw osta myrgh dhodho?” Hi a leveris, “Myrgh Bethuel, mab Nahor a dhineythis Milka dhodho.” Ytho my a worras an bysow war hy dewfrik ha'n breghelligow war hy diwla.

Jenesis 24:53

Ena an servont a gemmeras yn-mes lestri arghans ha lestri owr ha dillas, ha'ga ri dhe Rebeka, ha rohow drudh a ros ev dh'y broder ha'y mamm.

Jenesis 35:4

Hag i a ros dhe Yakob oll an duwow estren esa dhedha, ha'n bysowyer yn aga skovornow, ha Yakob a's kelas yn-dann an derebinthenn ogas dhe Shekem.

Jenesis 41:42

Ha Faro a gemmeras y vysow-sel dhiworth y leuv ha'y worra war leuv Yosep ha'y wiska gans dillas a sendal ha gorra chayn owrek a-dro dh'y gonna;

Ester 2:17

Ha'n myghtern a garas Ester dres oll an benynes, ha hi a gavas gras ha favour a-ragdho moy ages oll an gwyrghesow; ytho ev a settyas an tulyfant ryel war hy fenn, ha'y gul myghternes yn le Vashti.

Job 42:11

Oll y vreder hag oll y hwerydh a dheuth dhodho ha pubonan re'n aswonnsa kyns ha dybri ganso yn y ji. I a'n konfortyas ha keskodhevel ganso a-dro dhe oll an trobel re dhrosa an Arloedh dhodho, ha pubonan a ros dhodho bath a vona ha bysow a owr.

Eksodus 32:2

Hag Aron a leveris dhedha, ‘Tennewgh dhe-ves an bysowyer owr usi yn skovornow agas gwragedh, agas mebyon ha'gas myrghes, ha'ga dri dhymm.’

Eksodus 35:22

Yndellma y teuthons, ha gwer ha benynes; oll a golonn volonjedhek a dhros brochys ha bysowyer ha bysowyer-sel ha tergh, pub eghenn a daklow owrek, peub owth offrynna offrynn a owr dhe'n Arloedh.

Lavarow Koth 1:9

rag garlont teg yns i rag dha benn ha torgh rag dha gonna.

Lavarow Koth 25:12

Avel skinenn a owr po tegenn a owr fin yw keredh den fur dhe skovarn ow koslowes.

Lavarow Koth 4:9

Hi a worr war dha benn garlont teg, hi ri dhis kurun deg.’

An Gan a Ganow 1:10

Teg yw dha dhiwvogh gans kadonyow a degennow, dha gonna gans tergh a gregyn.

An Gan a Ganow 4:9

Ty re ladras ow holonn, ow hwoer, ow fries, ty re ladras ow holonn der unn mir uskis a'th tewlagas, der unn degenn a'th torgh.

Ysay 28:5

Y'n jydh na Arloedh an luyow a vydh kurun a glori, garlont a dekter rag remenant y bobel,

Ysay 3:19

an skinennow, an breghelligow, ha'n vaylys;

Ysay 3:21

an bysowyer sel ha'n bysowyer troen;

Kynvannow 5:16

Koedhys yw an gurun dhiworth agan penn; go-ni, rag ni re beghas!

Ezekiel 16:17

Ty a gemmeras dha degynnow teg a'm owr ha'm arghans a res dhis, ha gul ragos dha honan imajys gorow ha gul fornikasyon gansa.

Ezekiel 23:40

Ynwedh i a dhannvonas war-lergh gwer devedhys a bellder, may feu kannas dannvenys dhedha; ha pan dheuthons, ty a omvadhyas, ha payntya dha dhewlagas, ha gwiska gemmweyth.

Ezekiel 23:42

Yth esa son routh dhigeudh a-dro dhedhi; Sabaysi a veu dres dhiworth an gwylvos war-barth gans gwer gemmyn, hag i a worras breghelligow war dhiwla an dhiw venyn, ha kurun deg war aga fenn.

Daniel 5:16

Mes my re glewas ahanas, ty dhe wodhvos ri styryow ha digelmi kudynnow. Ytho mar kyllydh redya an skrif ha diskwedhes dhymm y styr, y fydhydh gwiskys yn purpur, gans kadon owr a-dro dhe'th konna, hag y fydhydh an tressa rewler y'n ruvaneth.’

Daniel 5:29

Ena Belshassar a worhemmynnis, hag i a wiskas Daniel gans purpur, gans kadon owr a-dro dh'y gonna, hag i a wrug gwarnyans yn y gever, may fedha an tressa rewler y'n ruvaneth.

Daniel 5:7

An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Levitikus 8:9

Hag ev a worras an tulyfant war y benn ha war an tulyfant war y dal ev a worras an vedalenn owrek, an gurun sans, dell erghis an Arloedh dhe Moyses.

Niverow 31:50

Ha ni re dhros offrynn an Arloedh, an pyth a gavas pub gour, taklow yn owr, breghwisk ha breghelligow, bysowyer sel, skinennow, ha paderennow, dhe wul prenedh ragon a-rag an Arloedh.’

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 4:10

an peswar henavek warn ugens a wra koedha dhe'n dor a-dherag neb yw esedhys war an tron, hag omblegya dhe neb a vew trank heb worfenn, ha tewlel aga hurunyow a-dherag an tron, ow leverel,

Diskwedhyans 4:4

Hag a-dro dhe'n tron yth esa peswar tron warn ugens; ha war an tronys y hwelis peswar henavek warn ugens owth esedha, gwiskys yn dillas gwynn, ha war aga fenn kurun owrek.

Breusysi 8:24

Ena Gideon a leveris dhedha, ‘Gas vy dhe bysi dhiworthowgh, pub gour ahanowgh dhe ri dhymm bysow skovarn re gavas avel preydh.’ (Rag an eskerens a's tevo bysowyer skovarn a owr, drefenn i dhe vos Yshmaelysi.)