Ezekiel 15:4 - An Bibel Kernewek 20234 (Kernewek Kemmyn)

⁴ Gorrys yw y'n tan avel keunys, ha'n tan a dheber y dhew benn ha'n kres anodho yw goleskys; yw dhe les rag ober vytholl?

Ezekiel 15:4 ပူးပေါင်းရင်းမြစ်များ

Salmow 80:16

Leskys yw gans tan, ha treghys yw; i a dhe goll orth keredh dha fas.

Ysay 1:31

An den krev a vydh avel garrow lin, ha'y ober avel gwryghonenn; aga dew a lesk war-barth heb denvyth dh'aga difeudhi.

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ezekiel 15:3

A vydh prenn kemmerys dhiworto dhe wul ober? A gemmerons dhiworto ebil dhe gregi neppyth warnodho?

Ezekiel 15:5

Otta, pan o dien ny veu devnydhys rag ober vytholl; pygemmys le – wosa tan dh'y dhybri ha'y vos goleskys – y hyll bos devnydhys arta rag ober vytholl?

Ezekiel 15:6

Rakhenna yndellma y lever an Arloedh Duw: Kepar ha prenn an gwinbrenn yn mysk gwydh an goeswik, a res vy dhe'n tan rag keunys, yndella my a re trigoryon Yerusalem.

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Matthew 3:12

Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Yowann 15:6

Piwpynag na drikko ynnov yw tewlys dhe-ves kepar ha skorrenn, hag a wedher; tus a wra aga huntell, ha'ga thewlel y'n tan, ha leskys yns.

Ebrowyon 12:29

rag agan Duw yw tan a gowllesk.

Ebrowyon 6:8

Mes mar tre yn-rag spern hag askall yth yw heb les hag ogas milliges; ha leski vydh y dhiwedh.