Ezekiel 14:3 - An Bibel Kernewek 20234 (Kernewek Kemmyn)

³ Mab den, an wer ma re dhrehevis aga idolys yn aga holonnow, ha gorra aga anewnder a-ragdha avel ken a drebuchya. A wrav vy aga gasa dhe hwilas orthiv?

Ezekiel 14:3 ပူးပေါင်းရင်းမြစ်များ

2 Myghternedh 3:13

Elisha a leveris dhe vyghtern Ysrael, ‘Pyth eus yntredhon ni? Ke dhe brofoesi dha das ha dhe brofoesi dha vamm.’ Mes myghtern Ysrael a leveris dhodho, ‘Na, rag y feu an Arloedh neb a elwis an tri myghtern ma dh'aga delivra yn leuv Moab.’

Salmow 101:3

Ny worrav travyth anwiw a-dherag ow dewlagas. My a gas ober an re a gildenn; ny len orthiv.

Salmow 66:18

Mar kwellen vy sherewneth y'm kolonn, ny'm klewsa an Arloedh.

Lavarow Koth 15:29

Yma an Arloedh pell dhiworth an debeles, mes ev a glew pysadow an re wiryon.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 33:15

An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 21:2

‘Govynn, my a'th pys, orth an Arloedh ragon; rag Nebukadnessar myghtern Babylon a werr er agan pynn; martesen an Arloedh a wra gwrians marthys ragon, may kildenno a-dhiworthyn.’

Ezekiel 11:21

Mes an re may kerdh aga holonn war-lergh aga thaklow vil ha'ga thaklow kasadow, my a dhre aga fordh war aga fenn, yn-medh an Arloedh Duw.

Ezekiel 14:2

Ena ger an Arloedh a dheuth dhymm, ow leverel:

Ezekiel 14:4

Rakhenna kows orta ha lavar dhedha, Yndellma y lever an Arloedh Duw: Piwpynag dhiworth chi Ysrael a dhrehaffo y idolys yn y golonn ha gorra y anewnder a-ragdho avel ken a drebuchya, hag ena dos dhe'n profoes, my an Arloedh a worthyp dhodho herwydh palster y idolys,

Ezekiel 14:7

Rag pubonan a ji Ysrael po alyon a wodrik yn Ysrael, neb a dhiberth a-dhiworthiv, ha drehevel y idolys yn y golonn, ha gorra y anewnder a-ragdho avel ken a drebuchya, hag ena dos dhe'n profoes dhe wovynn orto a-dro dhymm – my an Arloedh a worthyp dhodho ow honan.

Ezekiel 20:16

drefenn i dhe dhenagha ow breusow, ha ny gerdhsons y'm ordenansow, hag i a dhisakras ow sabotys; rag yth esa aga holonn ow mos war-lergh aga idolys.

Ezekiel 20:3

Mab-den, kows dhe henavogyon Ysrael, ha lavar dhedha, Yndellma y lever an Arloedh Duw: Yw rag hwilas kusul ahanav y teuthewgh? Dell vewav, ny vynnav kusul dhe vos hwilys genowgh hwi, yn-medh an Arloedh Duw.

Ezekiel 20:31

Pan offrynnowgh agas rohow, ha gul dh'agas mebyon mos dre dan, hwi a dhefol agas honan gans oll agas idolys bys y'n jydh hedhyw. A vynnav hwi dhe hwilas kusul ahanowgh, chi Ysrael? Dell vewav, yn-medh an Arloedh Duw, ny vynnav hwi dhe hwilas kusul ahanowgh.

Ezekiel 3:20

Ha mar treyl den gwiryon dhiworth y ewnder ha gul drog, my a worr men a drebuchya a-ragdho; ev a verow. Drefenn na'n gwarnsys, ev a verow yn y begh. Ny vydh kovhes y wiryonedh re wrug; mes y woes a hwilav a'th leuv.

Ezekiel 33:30

Ha ty, A vab den, mebyon dha bobel a geskews a-dro dhis ryb an fosow hag orth darasow an chiow, ow leverel an eyl dh'y gila, pubonan dh'y gentrevek, ‘Dewgh, ha klewewgh pyth yw an ger dhiworth an Arloedh.’

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Ezekiel 44:12

Rag i dhe venystra dhedha a-rag aga idolys, ha gul dhe ji Ysrael trebuchya yn kammhynseth, rakhenna my re dos er aga fynn, yn-medh an Arloedh Duw, hag i a berth aga hessydhyans.

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Ezekiel 7:19

I a dewl aga arghans y'n stretys, ha'ga owr a vydh pyth avlan. Ny yll aga arghans na'ga owr aga delivra yn dydh konnar an Arloedh. Ni yllons kavoes lowr rag aga enev, na lenwel aga thorr, rag y feu sklander a's ledyas yn anewnder.

Hosea 4:5

Ty a drebuch dydhweyth, an profoes ynwedh a drebuch nosweyth, ha my a dhistru dha vamm.

Sefania 1:3

My a skub dhe-ves den ha best; my a skub dhe-ves ydhyn an nev ha puskes an mor, ha domhwel an debeles; ha my a dregh mab-den a-dhiwar enep an tir, yn-medh an Arloedh.

Zekaria 7:13

Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

Luk 20:8

Hag yn-medh Yesu dhedha, ‘Na byth moy ny lavarav dhywgh py awtorita dredho y hwrav an taklow ma.’

Efesianys 5:5

Godhvydhewgh hemma: denvyth ow kul fornikasyon, na den plos, na den kraf, henn yw gordhyer idolys, ny'n jeves eretons yn gwlaskor Krist ha Duw.

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

Diskwedhyans 2:14

Mes yma genev nebes taklow er dha bynn, rag yma genes ena an re a syns dyskas Balaam a dhyskas dhe Balak gorra maglenn a-dherag mebyon Ysrael dhe dhybri taklow offrynnys dhe idolys ha gul fornikasyon.

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.