Ezekiel 14:17 - An Bibel Kernewek 20234 (Kernewek Kemmyn)

¹⁷ Po mar trov kledha war an pow na ha leverel, ‘Tremenes kledha der an pow’, ha my a dregh dhiworto den ha best,

Ezekiel 14:17 ပူးပေါင်းရင်းမြစ်များ

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Sefania 1:3

My a skub dhe-ves den ha best; my a skub dhe-ves ydhyn an nev ha puskes an mor, ha domhwel an debeles; ha my a dregh mab-den a-dhiwar enep an tir, yn-medh an Arloedh.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Ezekiel 25:13

rakhenna yndellma y lever an Arloedh Duw, My a ystynn ow leuv erbynn Edom, ha treghi dhiworto den ha best; ha my a'n gwra tyller a vagoryow; dhiworth Teman bys Dedan i a goedh der an kledha.

Ezekiel 14:13

Mab den, pan wra pow pegha er ow fynn ow pos dislel, ha my a ystynn ow leuv er y bynn ha terri y lorgh bara, ha dannvon ynno divoetter, ha treghi dhe-ves dhiworto den ha best;

Yeremia 47:6

A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Hosea 4:3

Rakhenna an tir a dhesygh, ha myns eus trigys ynno a wedher, gans bestes an gwel, ydhyn an nevow; ynwedh puskes an mor a wra merwel.

Ezekiel 29:8

Rakhenna yndellma y lever an Arloedh Duw: Awottavy ow tri kledha er dha bynn, ha treghi dhiworthis den ha best.

Ezekiel 5:17

My a dhannvon divoetter ha tebel vestes er agas pynn, hag i a'th wra anvap. Plag ha goes a dremen dresos, ha my a dhre kledha warnas. My, an Arloedh, re gewsis.

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 47:7

Fatell yll bos kosel pan ros an Arloedh gorhemmynn? Erbynn Ashkelon hag erbynn an morrep – ena ev re'n erviras.

Ezekiel 14:18

hwath kyn fe an tri gour ma ynno, dell vewav, yn-medh an Arloedh Duw, ny allsens delivra naneyl mebyon na myrghes, mes i aga honan a via delivrys.

Ezekiel 21:8

Ger an Arloedh a dheuth dhymm, ow leverel:

Ezekiel 33:2

Mab den, kows dhe vebyon dha bobel, ha leverel dhedha, Pan dhrov kledha war neb tir, mar kemmer pobel a'n tir na neb unn gour a-dhiworth aga oryon ha'y wul goelyador ragdha;