Ezekiel 13:18 - An Bibel Kernewek 20234 (Kernewek Kemmyn)

¹⁸ ha lavar, Yndellma y lever an Arloedh Duw: Go-i an benynes usi ow kwrias bondow war bub konna-bregh ha gul kudhlennow rag pennow a bub ughelder, ow helghya enevow. A helghyowgh enevow ow fobel ha gwitha agas enevow agas honan yn few?

Ezekiel 13:18 ပူးပေါင်းရင်းမြစ်များ

Lavarow Koth 6:26

rag y hyllir gobrena hora a dorth-vara, mes gwreg gour arall a breydh poran an enev drudh.

Yeremia 4:10

Ena my a leveris, ‘Ogh A Arloedh Duw! Yn sur ty re doellas an bobel ma ha Yerusalem, ow leverel, “Kres a'gas bydh”; mes seulabrys an kledha a dhrehedh bys y'n enev.’

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Ezekiel 13:10

Drefenn i dhe ledya ow fobel yn sowdhan, ow leverel, ‘Kres’, pan nag eus kres; ha pan vo fos tanow drehevys, i a'n gwynngalgh:

Ezekiel 13:16

profoesi Ysrael a brofoesas a-dro dhe Yerusalem hag a welas gwelesigeth a gres rygdhi, pan nag eus kres, yn-medh an Arloedh Duw.

Ezekiel 13:20

Rakhenna yndellma y lever an Arloedh Duw: Yth esov erbynn agas bondow mayth esowgh ow helghya dredha enevow avel ydhyn, ha my a's skward dhiworth agas breghow; ha my a liver an enevow esowgh orth aga helghya avel ydhyn.

Ezekiel 13:21

My a derr dhe-ves agas kudhlennow ha sawya ow fobel dhiworth agas leuv, ha ny vydhons namoy yn agas leuv avel preydh. Ena hwi a woer my dhe vos an Arloedh.

Ezekiel 22:25

Hy fennsevigyon yn hy kres yw kepar ha lew owth usa, ow terri preydh; i re dhybris enevow; i re gemmeras tresor ha taklow drudh; i re wrug gwedhwesow pals a-berth ynno.

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

2 Timothi 4:3

Rag an termyn a dheu ma na berthons dyskas yagh, mes war-lergh aga hwansow, kuntell dyskadoryon ragdha aga honan a wrons i, ow kosa aga diwskovarn,

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!