Ezekiel 13:13 - An Bibel Kernewek 20234 (Kernewek Kemmyn)

¹³ Rakhenna yndellma y lever an Arloedh Duw: My a wra dhe annawel hy folsa y'm sorr, ha glaw a liv yn-nans y'm konnar, hag y fydh keserennow yn sorrvann dh'y distrui.

Ezekiel 13:13 ပူးပေါင်းရင်းမြစ်များ

Job 38:22

‘A entersys yn gwithvaow an ergh, po gweles gwithvaow an keser

Job 38:23

a withis vy rag termyn trobel, rag dydhyow a vatel ha bresel?

Salmow 105:32

Ev a ros dhedha keser rag glaw, ha tan ow flammya yn aga thir.

Salmow 107:25

Ev a gewsis, ha drehevel an hager-awel, hag a sevis tonnow an mor.

Salmow 148:8

tan ha keser, ergh ha niwlrew; gwyns hag annawel ow kewera y er;

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Yeremia 23:19

Otta, korwyns an Arloedh! konnar res eth yn-mes, hag annawel ow troyllya: troyllya a wra war benn an debeles.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Kynvannow 2:3

Ev re hakkyas yn gwres y sorr pub korn a Ysrael, ev re dennas y leuv dhyghow dhe-ves dhiworta a-rag an eskar; ev re loskas erbynn Yakob kepar ha tan ow flammya, ow kowlleski a bub tu.

Kynvannow 2:4

Ev re blegyas y warak kepar hag eskar, y leuv dhyghow yw drehevys kepar hag envi; ev re ladhas pup-tra o plegadow dhe'n lagas; yn tylda myrgh Sion ev re dhinewis y sorr kepar ha tan.

Ezekiel 1:4

My a viras, hag otta annawel ow tos dhiworth an gogledh, kommolenn vras, ha tan ow lughesi gans golow splann a-dro dhedhi, hag ow tos yn-mes anedhi neppyth kepar hag amber, dhiworth kres an tan.

Ezekiel 13:12

Pan goedh an fos, a ny vydh leverys dhywgh, ‘Ple'ma'n gwynngalgh a worrsowgh warnedhi?’

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Yona 1:4

Mes an Arloedh a dheghesis gwyns bras war an mor, hag yth esa annawel vras y'n mor, may feu an gorhel yn peryll a vos terrys.

Haggay 2:17

My a weskis warnowgh, ha war wriansow oll agas diwleuv, gans kleves losk ha kleves melynheans y'n ys ha keser, mes ny dreylsowgh dhymm, yn-medh an Arloedh.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 16:21

Ha keserennow mar vras avel kanspoes a goedhas a'n nev war dus, ha tus a vlasfemyas Duw drefenn pla an keser, rag bos y bla meur dres eghenn.

Diskwedhyans 8:7

Ha'n kynsa a hwythas hag y siwyas keser ha tan kemmyskys gans goes hag a veu tewlys dhe'n dor, ha'n tressa rann a'n norvys a veu leskys, ha'n tressa rann a'n gwydh a veu leskys hag oll an gwyrwels a veu leskys.