Ezekiel 12:25 - An Bibel Kernewek 20234 (Kernewek Kemmyn)

²⁵ Mes my, an Arloedh, a gews an pyth a gowsav hag ev a hwyrvydh. Ny vydh delatys na fella; mes yn agas dydhyow, a ji diwostydh, my a gews an ger ha'y gowlwul, yn-medh an Arloedh Duw.

Ezekiel 12:25 ပူးပေါင်းရင်းမြစ်များ

Ysay 14:24

Arloedh an luyow re dos, ow leverel: Kepar dell vynnis vy, yndella y hwer; ha kepar dell erviris, yndella y sev:

Ysay 55:11

yndella y fydh ow ger hag a dheu dhiworth ow ganow; ny dhehwel dhymm gwag, mes ev a gowlwra ow bodh, hag a sewen y'n dra may hwrugavy y dhannvon ragdho.

Yeremia 1:11

Ger an Arloedh a dheuth dhymm, ow leverel, ‘Yeremia, pandr'a welydh?’ Ha my a leveris, ‘My a wel gwelenn a wydhenn alamand.’

Yeremia 16:9

Rag yndellma y lever Arloedh an luyow, Duw Ysrael: Otta, my a bellha dhiworth an tyller ma, yn agas dydhyow hag a-rag agas lagasow, lev lowender ha lev heudhder, lev an gour pries ha lev an venyn bries.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Ezekiel 12:26

Ger an Arloedh a dheuth dhymm, ow leverel:

Ezekiel 12:28

Rakhenna lavar dhedha, Yndellma y lever an Arloedh Duw: Ny vydh delatys na fella nagonan a'm geryow; an ger a gowsav a vydh gwrys, yn-medh an Arloedh Duw.

Ezekiel 6:10

Hag i a woer my dhe vos an Arloedh; ny gewsis yn euver my dhe wul dhedha an terroes ma.

Ezekiel 7:13

Rag ny wra an prener pe dhe'n gwerther, hedre vons aga dew hwath yn few; rag ny vydh an welesigeth erbynn an routh daskelwys. Drefenn y anewnder, ny yll nagonan gwitha y vewnans.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Habakkuk 1:5

Aspiewgh yn mysk an kenedhlow, ha mirewgh, ha bedhes dhywgh marth bras: rag yn agas dydhyow y hwrav ober na grysowgh, kyn fo derivys dhywgh.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Niverow 11:23

Ha'n Arloedh a leveris dhe Moyses, ‘Yw dorn an Arloedh re verr? Lemmyn ty a welvydh mar teu ow ger dhe wiryonedh ragos po na.’

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Luk 21:13

Hemma a vydh chons dhywgh rag doen dustuni.

Luk 21:33

Nev ha nor a dremen dhe-ves, mes ow geryow vy, ny dremenons dhe-ves.