Ezekiel 12:20 - An Bibel Kernewek 20234 (Kernewek Kemmyn)

²⁰ An trevow annedhys a vydh ynyal ha'n tir a vydh gwastyes; ha hwi a woer my dhe vos an Arloedh.

Ezekiel 12:20 ပူးပေါင်းရင်းမြစ်များ

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Ysay 3:26

Hy yetys a gyn ha galari, hag omdhivesys hi a vydh esedhys war an dor.

Daniel 9:17

Lemmyn, agan Duw, goslow orth pysadow dha was, hag orth y aspysadow, ha gwra may tewynno dha fas war dha sentri forsakys, a-barth an Arloedh.

Ezekiel 15:8

My a wra an tir ynyalder, drefenn i dhe vos dislel, yn-medh an Arloedh Duw.

Ezekiel 15:6

Rakhenna yndellma y lever an Arloedh Duw: Kepar ha prenn an gwinbrenn yn mysk gwydh an goeswik, a res vy dhe'n tan rag keunys, yndella my a re trigoryon Yerusalem.

Kynvannow 5:18

rag menydh Sion, hag yw ynyal; owrgeun a gerdh warnodho.

Yeremia 19:11

ha ty a lever dhedha: Yndellma y lever Arloedh an luyow: Yndellma my a derr an bobel ma ha'n sita ma, dell derrir lester an priweythor, ma na vo nevra ewnhes: hag i a's ynkleudh yn Tofeth bys pan na vydh tyller dhe ynkleudhyas.

Yeremia 16:9

Rag yndellma y lever Arloedh an luyow, Duw Ysrael: Otta, my a bellha dhiworth an tyller ma, yn agas dydhyow hag a-rag agas lagasow, lev lowender ha lev heudhder, lev an gour pries ha lev an venyn bries.

Ysay 24:12

Euth yw gesys y'n sita, an yetys yw brewys yn magoryow.

Ysay 24:3

An norvys a vydh difeythys glan ha kowlrevnys, rag an Arloedh re gewsis an ger ma.

Yeremia 34:22

Otta, my a worhemmynn, yn-medh an Arloedh, ha gul dhedha dehweles dhe'n sita ma; hag i a omladh er hy fynn, ha'y leski gans tan. Trevow Yuda my a wra ynyal heb annedhyas.

Ezekiel 5:14

Ha my a'th wrav dhe vos tyller a vagoryow ha skorn yn mysk an kenedhlow usi a-dro dhis, yn golok oll an dremenysi

Ezekiel 12:15

Hag i a woer my dhe vos an Arloedh pan wrav aga skoellya a-les yn mysk an kenedhlow, ha'ga skattra y'n gwlasow.

Ezekiel 12:21

Ger an Arloedh a dheuth dhymm, ow leverel:

Ezekiel 36:3

rakhenna, profoes ha lavar, Yndellma y lever an Arloedh Duw: Drefenn i dh'agas gul ynyal ha'gas helghya a bub tu, rag may fowgh eretons dhe remenant an kenedhlow, ha hwi re beu skornys gans tavosow, ha despitys gans an bobel;

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.