Ezekiel 12:14 - An Bibel Kernewek 20234 (Kernewek Kemmyn)

¹⁴ Ha my a skatter dhe bub gwyns oll an re usi a-dro dhodho, y weresoryon, hag oll y soudoryon, ha tenna kledha war aga lergh.

Ezekiel 12:14 ပူးပေါင်းရင်းမြစ်များ

Yeremia 42:16

ena an kledha may perthowgh own anodho a wra agas pursiwya bys yn pow Ejyp; ha'n divoetter esowgh ow perthi own anodho a wra agas pursiwya bys yn Ejyp; hag ena hwi a verow.

Yeremia 42:22

Godhvydhewgh ytho yn ta, hwi a verow gans an kledha, gans an divoetter ha gans an pla y'n tyller may fynnowgh mos ha triga.’

Yeremia 49:32

Aga hawrvergh a vydh preydh, aga greow a warthek pyllans. My a skatter dhe bub gwyns an re a's teves talyow moel, ha my a dhre terroes er aga fynn a bub tu, yn-medh an Arloedh.

Ezekiel 14:17

Po mar trov kledha war an pow na ha leverel, ‘Tremenes kledha der an pow’, ha my a dregh dhiworto den ha best,

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 17:21

Hag oll flour y soudoryon a goedh dre'n kledha, ha'n remenant a vydh skattrys gans pub gwyns; ha hwi a woer, my, an Arloedh dhe gewsel.

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.