Ezekiel 11:6 - An Bibel Kernewek 20234 (Kernewek Kemmyn)

⁶ Hwi re ladhas lies y'n sita ma, ha lenwel hy stretys a gorfow.

Ezekiel 11:6 ပူးပေါင်းရင်းမြစ်များ

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 2:34

Ynwedh y'th lostennow y fydh kevys goes-bewnans an voghosogyon ankablus: ny's kevsys ow terri yn chiow. Mes yn spit dhe henna oll

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:9

Ynnos re beu tus ow sklandra dhe skoellya goes; ynnos re beu tus ow tybri war an menydhyow; i re wrug tra vethus y'n kres ahanas.

Ezekiel 7:23

Gwra an kadon, rag an tir yw leun a skoellya goes, ha'n sita yw leun a freudh.

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Mika 3:10

neb a dhrehav Sion gans goes ha Yerusalem gans kammhynseth.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.