Ezekiel 11:24 - An Bibel Kernewek 20234 (Kernewek Kemmyn)

²⁴ An Spyrys a'm drehevis ha'm dri dhe'n dhivresow yn Kaldea y'n welesigeth yn Spyrys Duw. Ena an welesigeth a welsen a yskynnas dhiworthiv.

Ezekiel 11:24 ပူးပေါင်းရင်းမြစ်များ

Jenesis 17:22

Hag ev a astelas kewsel ganso, ha Duw eth yn-bann dhiworth Abraham.

Jenesis 35:13

Ha Duw eth yn-bann dhiworto y'n tyller may hwrussa kewsel ganso.

2 Myghternedh 2:16

I a leveris dhodho, ‘Otta lemmyn, yma gans dha wesyon hanter-kans gour krev. Gas dhedha mos, ni a'th pys, rag hwilas dha vester, rag own Spyrys an Arloedh re'n synsis yn-bann ha'y dewlel war neb menydh, po yn neb nans.’ Hag ev a leveris, ‘Na's dannvenowgh.’

Salmow 137:1

Ryb dowrow Babylon, ena yth esedhsyn hag oela pan berthsyn kov ahanas, A Sion.

Yeremia 50:10

Kaldea a vydh pyllys; ha peub a's pyll a vydh gwalghys, yn-medh an Arloedh.

Ezekiel 1:1

Y'n trydhegves blydhen, y'n peswora mis, yn pympes dydh an mis, pan esen yn mysk an dhivresow ryb an avon Kebar, an nevow a veu igerys, ha my a welas gwelesigethow Duw.

Ezekiel 1:3

ger an Arloedh a dheuth dhe'n oferyas Ezekiel mab Buzi yn pow an Kaldeanys, ryb an avon Kebar; hag ena y feu leuv an Arloedh warnodho.

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 3:12

Ena an Spyrys a'm drehevis, ha my a glewas a-dryv dhymm son grommyans bras, pan sevis glori an Arloedh a'y le,

Ezekiel 3:15

My a dheuth dhe Tel-abib, dhe'n dhivresow trigys ryb an avon Kebar; hag ena, y'n tyller mayth esens trigys, my a esedhas seyth dydh dyegrys yn aga mysk.

Ezekiel 37:1

Yth esa warnav leuv an Arloedh, hag ev a'm dug mes yn spyrys an Arloedh, ha'm settya yn kres an nans; y feu leun a eskern.

Ezekiel 43:5

Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Oberow 10:16

Hemma a hwarva teyrgweyth, hag a-dhistowgh an lester a veu kemmerys yn-bann dhe nev.

Oberow 8:39

Ha pan dheuthons yn-bann mes a'n dowr, Spyrys an Arloedh a gachyas Felip dhe-ves; ny'n gwelas an spadhesik na fella, hag ev eth y'n fordh yn unn lowenhe.