Ezekiel 11:20 - An Bibel Kernewek 20234 (Kernewek Kemmyn)

²⁰ rag may kerthons y'm ordenansow ha gwitha ow breusow ha'ga gul. Ena i a vydh ow fobel, ha my a vydh aga Duw.

Ezekiel 11:20 ပူးပေါင်းရင်းမြစ်များ

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Salmow 105:45

rag may synsens y ordenansow ha gwitha y laghys. Gormelewgh an Arloedh.

Salmow 119:1

Gwynnvys an re yw heb namm y'n fordh, hag a gerdh yn lagha an Arloedh.

Salmow 119:32

Poenya a wrav yn fordh dha worhemmynnow, pan redh jy kennerth dhe'm kolonn.

Lavarow Koth 9:6

Gesewgh sempledh ha bewewgh, ha kerdhewgh y'n fordh a gonvedhes.’

Yeremia 11:4

a worhemmynnis dh'agas tasow y'n jydh ma's dres yn-mes a bow Ejyp, a-dhiworth an fornes-horn, ow leverel, Klewewgh ow lev, ha gwrewgh pup-tra a worhemmynnav. Yndella hwi a vydh ow fobel ha my a vydh agas Duw:

Yeremia 24:5

Yndellma y lever an Arloedh, Duw Ysrael: Avel an figys da ma, yndella my a aswonn an dhivresow a Yuda, hag a dhannvenis yn-mes a'n tyller ma dhe bow an Kaldeanys rag aga les.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 30:22

Ha hwi a vydh ow fobel, ha my a vydh agas Duw.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 32:38

I a vydh ow fobel, ha my a vydh aga Duw.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Ezekiel 11:12

Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’

Ezekiel 14:11

rag na wrello chi Ysrael gwandra arta dhiworthiv, na omdhefola arta der oll aga threuspassow. I a vydh ow fobel, ha my a vydh aga Duw, yn-medh an Arloedh Duw.

Ezekiel 37:23

Ny omdhefolons nevra namoy gans aga idolys, na gans aga thaklow kasadow, na gans oll aga threuspassow. My a's saw dhiworth oll aga gwriansow dislel may peghsons ynna, ha'ga glanhe. Ena i a vydh ow fobel, ha my a vydh aga Duw.

Ezekiel 37:27

Ow thrigva a vydh gansa; my a vydh aga Duw, hag i a vydh ow fobel.

Ezekiel 43:11

Ha mar perthons meth drefenn pup-tra a wrussons, diskwedh dhedha furv an tempel, y aray, y fordhow mes ha'y entransow – oll y laghys, oll y ordenansow, ha'y desin kowal. Skrif hemma a-rag aga dewlagas, may hwitthons ha siwya an desin kowal hag oll y ordenansow, ha'ga gul.

Hosea 2:23

My a wra hy flansa ragov y'n tir. My a gemmer truedh a Lo-ruhama, ha leverel dhe Lo-ammi ‘Ty yw Ow fobel’; hag ev a lever, ‘Ty yw ow Duw.’

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Zekaria 8:8

My a wra aga dri, hag i a drig a-bervedh yn Yerusalem; i a vydh ow fobel, ha my a vydh aga Duw yn gwirder hag ewnder.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Romanyon 16:26

mes lemmyn yw diskudhys ha, der an skrifow profoesek, war-lergh gorhemmynn an Duw heb diwedh, rag gostytter a fydh, yw dyllys dhe'n gwlaskordhow oll:

1 Korinthianys 11:2

My a'gas kommend drefenn hwi dhe berthi kov ahanav yn pup-tra, ha dhe synsi yn fast an hengovyow par dell y's res dhywgh.

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.