Ezekiel 11:17 - An Bibel Kernewek 20234 (Kernewek Kemmyn)

¹⁷ Rakhenna lavar, Yndellma y lever an Arloedh Duw: My a'gas kuntell dhiworth an poblow, ha'gas kuntell dhiworth an gwlasow may fewgh skattrys ynna, ha my a re dhywgh pow Ysrael.

Ezekiel 11:17 ပူးပေါင်းရင်းမြစ်များ

Salmow 107:3

ha'n re a guntellas ev mes a'n powyow, dhiworth an howldrevel ha dhiworth an howlsedhes, dhiworth an kledh ha dhiworth an dyghow.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Yeremia 24:5

Yndellma y lever an Arloedh, Duw Ysrael: Avel an figys da ma, yndella my a aswonn an dhivresow a Yuda, hag a dhannvenis yn-mes a'n tyller ma dhe bow an Kaldeanys rag aga les.

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Yeremia 3:12

Ke ha deklar an geryow ma dhe'n gogledh, ha leverel, Dehwel ty Ysrael dhislel, yn-medh an Arloedh; ny wrav ow sorr dhe goedha warnas: rag tregeredhus ov, yn-medh an Arloedh, ha ny withav sorr bys vykken.

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Yeremia 30:18

Yndellma y lever an Arloedh: Otta, my a dreyl kethneth tyldow Yakob, ha kemmeres tregeredh war y annedhow; ha'n sita a vydh drehevys war y grug, ha'n palys a sev yn y le ewn.

Yeremia 31:16

Yndellma y lever an Arloedh: Gwith dha lev rag oela, ha'th tewlagas rag dagrow; rag dha ober a vydh gobrys, yn-medh an Arloedh: i a dhehwel a-dhiworth tir an eskar;

Ezekiel 20:34

My a'gas dre yn-mes a'n poblow ha'gas kuntelles dhiworth an powyow le may fewgh skattrys, gans leuv grev, ha gans bregh ystynnys, ha gans sorr dinewys.

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 20:42

Ena hwi a woer my dhe vos an Arloedh, pan y'gas drov dhe diredh Ysrael, dhe diredh a des gans leuv drehevis y ri dh'agas tasow.

Ezekiel 28:25

Yndellma y lever an Arloedh Duw: Pan guntellav chi Ysrael dhiworth an poblow le mayth esens skattrys, my a vydh sanshes ynna yn golok an kenedhlow. Ena i a drig war aga thiredh aga honan, a res vy dhe'm gwas Yakob.

Ezekiel 34:11

Rag yndellma y lever an Arloedh Duw: Ottavy, my ow honan, ow hwilas ow deves ha'ga hwithra.

Ezekiel 34:13

My a's dre yn-mes a'n poblow, ha my a's kuntell yn-mes a'n gwlasow, ha'ga hembronk a-berth yn aga thir aga honan; ha my a wra aga maga war venydhyow Ysrael, ryb goverow, hag yn oll trigvaow an tir.

Ezekiel 36:24

My a'gas kemmer dhiworth an kenedhlow, ha'gas kuntelles dhiworth oll an powyow, ha'gas dri dh'agas tir.

Zekaria 8:7

Yndellma y lever Arloedh an luyow: My a wra sawya ow fobel a-dhiworth bro an howldrevel ha bro an howlsedhes.

Dewteronomi 30:3

ena an Arloedh dha Dhuw a wra restorita ragos ha kemmeres truedh ahanas ha'th kuntell arta dhiworth oll an poblow le may hwrug an Arloedh dha Dhuw dha skattra bys di.