Ezekiel 11:13 - An Bibel Kernewek 20234 (Kernewek Kemmyn)

¹³ Lemmyn pan esen vy ow profoesa, Pelatia mab Benaya a verwis. Ena my a goedhas war ow fas ha kria gans lev ughel, ha leverel, ‘Ogh Arloedh Duw! A vynnydh dhiswul remenant Ysrael?’

Ezekiel 11:13 ပူးပေါင်းရင်းမြစ်များ

1 Myghternedh 13:4

Pan glewas an myghtern an pyth a grias gour Duw erbynn an alter yn Bethel, ev a ystynnas y leuv a-dhiworth an alter, ow leverel, ‘Dalghennewgh ynno!’ Mes an leuv a ystynnas er y bynn a wedhras ma na ylli hy thenna war-dhelergh.

Salmow 106:23

Rakhenna ev a leveris y hwrussa aga diswul, na saffa Moyses y dhewisys a-dheragdho y'n aswa, rag treylya y sorr dhe-ves ma na's diswrello.

Salmow 119:120

Ow hig a gren rag own ahanas, ha my a berth own a'th vreusow.

Lavarow Koth 6:15

Ytho y derroes a dheu warnodho distowgh, a-ji dhe brysweyth ev a vydh brewys dres sawya.

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 11:14

Ger an Arloedh a dheuth dhymm, ow leverel:

Ezekiel 20:17

Byttegyns ow lagas a's sparyas, ha ny wrug vy aga diswul, na'ga howldhistrui y'n difeythtir.

Ezekiel 37:7

Ytho my a brofoesas, kepar dell veu erghys dhymm. Ena y feu tros, ha my ow profoesa, hag otta son rugla, ha'n eskern a dheuth war-barth, an eyl askorn dh'y gila.

Ezekiel 7:2

Ha ty, A vab den, yndellma y lever an Arloedh Duw dhe bow Ysrael: Diwedh! an diwedh a dheuth war beswar korn an tir.

Ezekiel 9:8

Pan esons ow kweskel, ha my gesys ow honan, my a goedhas war ow fas ha garma, ha leverel, ‘Ogh Arloedh Duw! A dhiswredh oll remenant Ysrael, ha ty ow tiveri dha gonnar war Yerusalem?’

Hosea 6:5

Ytho my a's nadhas dre'n brofoesi, my a's ladhas dre eryow ow ganow; ow breusow eth war-ves avel golow.

Amos 7:2

Ha pan gowldhyb'sens losow an dor, yn-medhav, ‘A Arloedh Duw, gav, my a'th pys! Fatell yll Yakob sevel? rag byghan yw.’

Amos 7:5

Ytho yn-medhav, ‘A Arloedh Duw, hedh, my a'th pys! Fatell yll Yakob sevel? rag byghan yw.’

Oberow 13:11

Ha lemmyn, otta, yma leuv an Arloedh warnas, ha dall vydhydh heb gweles an howl rag termyn.’ Ha hware niwl ha tewlder a goedhas warnodho hag ev eth a-dro yn-dann hwilas tus dh'y ledya er an leuv.

Oberow 5:10

A-dhesempis hi a goedhas orth y dreys ha merwel. Pan dheuth an wer yowynk a-ji, i a's kavas marow, hag i a's dug yn-mes ha'y ynkleudhyas ryb hy gour.

Oberow 5:5

Pan glewas Ananias an geryow ma, ev a goedhas dhe'n leur, hag ev a verwis; hag own meur a dheuth war beub a glewas anedhi.

Dewteronomi 7:4

rag ev a dreyl dha vab a-dhiworthiv, dhe servya duwow erell, ha sorr an Arloedh a dhew er agas pynn ha'th tistrui toeth da.