Ezekiel 11:12 - An Bibel Kernewek 20234 (Kernewek Kemmyn)

¹² Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’

Ezekiel 11:12 ပူးပေါင်းရင်းမြစ်များ

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

2 Myghternedh 16:3

Mes ev a gerdhi yn hynsyow myghternedh Ysrael, hag a wrug dh'y vab tremena dre dan, herwydh gweythresow divlas an kenedhlow a fesyas an Arloedh a-rag pobel Ysrael.

2 Myghternedh 18:12

drefenn na woslowsons lev an Arloedh aga Duw, mes i a gammdremenas erbynn y gevambos, ha pup-tra a worhemmynnis Moyses, gwas an Arloedh; ny woslowsons ha ny obaysons.

2 Myghternedh 21:2

Ev a wrug an pyth o drog yn golok an Arloedh, ow siwya gweythresow kasadow an kenedhlow a fesyas an Arloedh yn-mes a-dherag pobel Ysrael.

2 Myghternedh 21:22

Ev a asas an Arloedh, Duw y dasow, ha ny gerdhas yn fordh an Arloedh.

2 Myghternedh 21:9

Mes ny woslowsons; Manasse a's kammledyas may hwrussons moy drog ages an kenedhlow a dhistruis an Arloedh a-dherag tus Ysrael.

2 Kroniklys 13:9

A ny bellhasowgh oferysi an Arloedh, mebyon Aron, ha'n Levysi, ha gul oferysi ragowgh agas honan avel poblow a diryow erell? Piw pynag a dheffo dhe omsakra gans tarow yowynk po seyth hordh a yll dos ha bos oferyas a neppyth nag yw duw.

2 Kroniklys 28:3

hag ev a leski sakrifisow yn nans mab Hinnom, hag a wre dh'y vebyon tremena dre dan herwydh usadow kasadow an kenedhlow a wrug an Arloedh aga fesya a-rag mebyon Ysrael.

2 Kroniklys 36:14

Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

Ezra 9:7

A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Nehemia 9:33

Hwath ty re beu gwiryon yn pup-tra re dheuth warnan, rag ty dhe dhyghtya yn lel genen ha ni re beghas.

Nehemia 9:34

Ny withas agan tasow, agan myghternedh, agan hembrenkysi ha'gan oferysi dha lagha, na woslowsons orth dha worhemmynnow ha'th warnyansow a resys dhedha.

Salmow 78:10

Ny synsons kevambos Duw, mes i a skonyas a gerdhes yn y lagha ev;

Yeremia 10:2

Yndellma y lever an Arloedh: Na dhyskewgh fordh an kenedhlow, ha na vedhewgh digolonnek orth toknys nev; rag an kenedhlow yw digolonnek orta.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Ezekiel 11:21

Mes an re may kerdh aga holonn war-lergh aga thaklow vil ha'ga thaklow kasadow, my a dhre aga fordh war aga fenn, yn-medh an Arloedh Duw.

Ezekiel 18:8

mar ny wra presta rag oker, na kemmeres goroker, mar ny dreyl y leuv dhiworth kammhynseth, mes ev a wra gwirvreus yntra gour ha gour,

Ezekiel 18:9

hag a gerdh y'm ordenansow hag a wayt gul ow breusow yn gwirder – ev yw gwiryon, ev a vew yn sur, yn-medh an Arloedh Duw.

Ezekiel 20:16

drefenn i dhe dhenagha ow breusow, ha ny gerdhsons y'm ordenansow, hag i a dhisakras ow sabotys; rag yth esa aga holonn ow mos war-lergh aga idolys.

Ezekiel 20:21

Mes an vebyon a rebellyas er ow fynn. Ny gerdhsons y'm ordenansow, na ny waytsons gul ow breusow, may hwra den bew dredha mara's gwra; i a dhisakras ow sabotys. Ena yn-medhav, My a dhiver ow honnar warnedha, ow kowlwul ow sorr er aga fynn y'n difeythtir.

Ezekiel 20:24

drefenn na wrens ow breusow, hag i a naghas ow ordenansow, ha disakra ow sabotys, mes yth esa aga lagasow settys war idolys aga thasow.

Ezekiel 5:6

Mes hi re rebellyas erbynn ow breusow moy ages sherewynsi an kenedhlow, hag erbynn ow ordenansow moy ages an gwlasow usi a-dro dhedhi; rag i re dhenaghas ow breusow ha ny gerdhsons y'm ordenansow.

Ezekiel 8:10

Ytho my eth a-ji ha gweles, hag otta pub furv a gramvil ha best kasadow, hag oll idolys chi Ysrael, kervys war an paros a-derdro.

Ezekiel 8:14

Ena ev a'm dros dhe dharas yet chi an Arloedh usi a'n gledhbarth, hag ottena an benynes owth esedha, owth oela rag Tammuz.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Daniel 9:10

ha fyllel dhe woslowes orth lev an Arloedh agan Duw, dhe gerdhes yn y laghys hag a worras dheragon dre leuv y servysi an brofoesi.

Levitikus 18:3

Ny wrewgh naneyl war-lergh gwriansow pow Ejyp le mayth esewgh trigys, na war-lergh gwriansow pow Kanan le mayth esov orth agas dri, na gwrewgh hwi kerdhes war-lergh aga ordenansow.

Levitikus 26:40

Ha mar konfessyons aga hammweyth ha kammweyth aga thasow, gans aga dislelder a wrussons er ow fynn, hag ynwedh ow kerdhes kontrari dhymm,