Ezekiel 10:3 - An Bibel Kernewek 20234 (Kernewek Kemmyn)

³ Lemmyn yth esens an cherubim ow sevel a-dhyghowbarth dhe'n chi pan entras an gour, ha'n gommolenn a lenwis an klos a-bervedh.

Ezekiel 10:3 ပူးပေါင်းရင်းမြစ်များ

Jenesis 3:24

Ytho ev a jasyas an den yn-mes ha gorra an cherubim a'n barth est dhe lowarth Eden ha kledha ow flammya ow treylya war bub tu rag gwitha fordh an wydhenn a vewnans.

Eksodus 25:18

Ha ty a wra dew jerub a owr; a vortholweyth ty a's gwra, dhe dhew benn an dregeredhva.

Ezekiel 43:4

Glori an Arloedh a dheuth bys y'n tempel der an yet esa ow mires troha'n est.

Ezekiel 46:1

Yndellma y lever an Arloedh: yet an klos a-bervedh, a vir troha'n est, a vydh deges y'n hwegh dydh a lavur; mes yn dydh an sabot y fydh igerys, hag yn dydh an loer nowydh.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Ezekiel 9:3

Ha glori Duw Ysrael eth yn-bann a-dhiwar an cherub may fia warnodho, dhe dreudhow an chi. Ev a elwis dhe'n gour o gwiskys yn lien gans daffar skrifyas war y glun;