Ezekiel 10:2 - An Bibel Kernewek 20234 (Kernewek Kemmyn)

² Ena ev a leveris dhe'n gour o gwiskys yn lien, ‘Ke a-ji dhe'n tyller ynter an rosow yn-dann an cherub. Lanw dha dhiwla a golennow tan dhiworth an tyller ynter an cherubim, ha'ga skattra war an sita.’ Hag ev a entras a-rag ow dewlagas.

Ezekiel 10:2 ပူးပေါင်းရင်းမြစ်များ

2 Myghternedh 25:9

Ev a loskas chi an Arloedh, ha chi an myghtern, hag oll chiow Yerusalem; pub chi bras ev a loskas gans tan.

Salmow 140:10

Koedhes warnedha kolennow bew leskys; bedhens i tewlys yn pollow leysek ma na yskynnons arta.

Salmow 18:10

Hag ev a varghogas war jerub ha nija; ev a nijas uskis war eskelli an gwyns.

Eksodus 25:18

Ha ty a wra dew jerub a owr; a vortholweyth ty a's gwra, dhe dhew benn an dregeredhva.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ezekiel 1:13

Y feu hevelep an kreaturs bew kepar ha kolennow bew ow tewi, kepar ha semlans faglennow ow kwaya ynter an kreaturs bew; an tan o splann, ha dhiworth an tan yth esa lughes ow mos yn-mes.

Ezekiel 10:16

Pan e an cherubim, an rosow e rybdha, ha pan dhrehevi an cherubim aga eskelli dhe yskynna dhiworth an dor, ny dreylya an rosow ynwedh dhiworth aga thenewen.

Ezekiel 9:11

Ena an gour gwiskys yn lien, gans daffar skrifyas war y glun, a worthybis, ow leverel: ‘My re wrug dell worhemmynsys dhymm.’

Daniel 7:9

Ha my ow mires, yth esa tronys settys yn-bann, ha'n Koth a'n dydhyow a esedhas; kann avel an ergh o y wisk, ha'y wols avel gwlan glan; flammow tan o y dron ha dhodho rosow a dan ow tewi.

Diskwedhyans 8:5

Ha'n el a gemmeras an ynkyslester, ha'y lenwel a dan an alter ha'y dewlel dhe'n dor, hag y feu taranow ha sonyow ha lughes ha dorgrys.