Ezekiel 1:4 - An Bibel Kernewek 20234 (Kernewek Kemmyn)

⁴ My a viras, hag otta annawel ow tos dhiworth an gogledh, kommolenn vras, ha tan ow lughesi gans golow splann a-dro dhedhi, hag ow tos yn-mes anedhi neppyth kepar hag amber, dhiworth kres an tan.

Ezekiel 1:4 ပူးပေါင်းရင်းမြစ်များ

1 Myghternedh 19:11

Ev a leveris, ‘Ke ha sevel war an menydh a-rag an Arloedh, rag yma an Arloedh ow tremena.’ Gwyns krev a dheuth, ow folsa menydhyow ha terri kerrek dhe demmyn a-rag an Arloedh, mes nyns esa an Arloedh y'n gwyns; ha wosa an gwyns yth esa dorgrys, mes nyns esa an Arloedh y'n dorgrys;

2 Myghternedh 2:11

Hag y hwarva, hag i ow mos yn-rag ha kewsel, otta, charett a dan ha mergh a dan a's dibarthas an eyl dhiworth y gila, hag Elias eth yn-bann gans korwyns a-berth y'n nev.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

Job 38:1

Ena an Arloedh a worthybis dhe Job dhiworth an korwyns:

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Eksodus 9:24

yth esa keser, ha tan owth omdhiskwedhes yn mysk an keser, keser pur vras, a'n par na veu gwelys bythkweth yn pow Ejyp oll a-ban dheuth ha bos kenedhel.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 21:1

Profoesans a-dro dhe wylvos an mor. Kepar dell dremen hwaffys awelyow y'n Negeb, ev a dheu dhiworth an gwylvos, dhiworth tir euthyk.

Yeremia 23:19

Otta, korwyns an Arloedh! konnar res eth yn-mes, hag annawel ow troyllya: troyllya a wra war benn an debeles.

Yeremia 25:32

Yndellma y lever Arloedh an luyow: Otta, drogedh a yn-rag a genedhel dhe genedhel, ha korwyns meur a vydh difunys a bella rannow an nor.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 4:6

Drehevewgh baner war-tu ha Sion: hwilewgh sawder, na wortewgh: rag my a dhre droktra a'n gogledh, ha distruyans meur.

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Ezekiel 1:27

My a welas neppyth haval dhe wolow amber, kepar ha golowgylgh a dan a-dro dhodho, war-vann dhiworth semlans y dhiwglun; ha war-nans dhiworth semlans y dhiwglun my a welas neppyth haval dhe dan, ow splanna a-dro dhodho.

Ezekiel 13:11

lavar ytho dhe'n re a's gwynngalgh, y fydh hi ow koedha. Glaw a liv yn-nans, ha keserennow a goedh, hag annawel a dardh.

Ezekiel 13:13

Rakhenna yndellma y lever an Arloedh Duw: My a wra dhe annawel hy folsa y'm sorr, ha glaw a liv yn-nans y'm konnar, hag y fydh keserennow yn sorrvann dh'y distrui.

Ezekiel 43:3

An welesigeth a welis o haval dhe'n welesigeth a welis pan dheuth dhe dhistrui an sita, ha kepar ha'n welesigeth a welis ryb an avon Kebar; ha my a goedhas war ow fas.

Ezekiel 8:2

My a viras, hag otta hevelep kepar ha semlans gour. Dhiworth an rann a hevelis bos y dhiwglun bys an leur y feu tan, ha dhiworth y dhiwglun war-vann kepar ha'n semlans a splannder, avel amber ow lentri.

Zekaria 6:6

Yma an charett gans mergh du ow mos yn-mes dhe'n tir kledh, an vergh gwynn eth yn-mes war aga lergh, ha'n vergh brithek eth yn-mes dhe dir an dyghow.’

Ebrowyon 12:29

rag agan Duw yw tan a gowllesk.

Diskwedhyans 1:15

ha'y dreys o kepar ha brest fin purhes kepar hag yn fornes, ha'y lev kepar ha son lies dowr.