Ezekiel 1:28 - An Bibel Kernewek 20234 (Kernewek Kemmyn)

²⁸ Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Ezekiel 1:28 ပူးပေါင်းရင်းမြစ်များ

Diskwedhyans 10:1

Ha my a welas ken el nerthek ow tos yn-nans dhiworth nev, ow kwiska kommolenn, ha kammneves war y benn, ha'y fas kepar ha'n howl, ha'y dreys kepar ha kolovenyow a dan.

Diskwedhyans 4:3

Hag ev neb o esedhys war an tron a heveli kepar ha men yasper ha sardius, hag yth esa kammneves a-dro dhe'n tron kepar ha gwyrven,

Jenesis 17:3

Hag Abram a goedhas war y fas ha Duw a gewsis ganso, ow leverel,

Ezekiel 3:23

Ytho my a sevis ha mos yn-mes dhe'n nans. Hag awotta glori an Arloedh ow sevel ena, kepar ha'n glori a welis ryb an avon Kebar, ha my a goedhas war ow fas.

Oberow 9:4

hag ev a goedhas dhe'n dor, ha klewes lev ow leverel dhodho, ‘Sowl, Sowl, prag y'm helghydh vy?’

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Ezekiel 8:4

Hag otta, yth esa ena glori Duw Ysrael, kepar ha'n welesigeth a welis y'n nans.

Eksodus 24:16

Splannder Duw a goedhas war venydh Sinay, ha'n kommol a'n kudhas hwegh dydh; hag y'n seythves dydh ev a elwis Moyses yn-mes a gres an kommol.

1 Korinthianys 13:12

Rag lemmyn, ni a wel yn gweder, yn tewl, mes ena fas orth fas; lemmyn my a woer yn rann, mes ena my a wra aswonn yn tien, kepar dell ov vy aswonnys yn tien.

Ezekiel 44:4

Ena ev a'm dros a-rag an tempel dre yet an gogledh. My a viras, hag otta, glori an Arloedh ow lenwel tempel an Arloedh; ha my a goedhas war ow fas.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

Eksodus 16:7

hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

Romanyon 9:4

Ysraelysi yns ha dhedha yw an adoptyans avel mebyon, an golewder, an kevambosow, ri an lagha, an servis ha'n ambosow,

Eksodus 24:17

Ytho omdhiskwedhyans splannder Duw o avel tan ow tewi war benn an menydh a-wel mebyon Ysrael.

Breusysi 13:20

Pan yskynnas an flamm war-tu ha'n nev dhiwar an alter, el an Arloedh a yskynnas yn flamm an alter, ha Manoagh ha'y wreg ow mires; hag i a goedhas, ha'ga fas dhe'n dor.

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Ezekiel 43:2

hag otta, glori Duw Ysrael ow tos dhiworth an est; y lev o kepar ha son dowrow meur, ha'n nor a splannas gans y glori.