Ezekiel 1:26 - An Bibel Kernewek 20234 (Kernewek Kemmyn)

²⁶ A-ugh an fyrmament esa a-ugh aga fennow yth esa hevelep men saffir, an hevelep a dron; ha war hevelep an tron yth esa an hevelep a dhen a-ughti.

Ezekiel 1:26 ပူးပေါင်းရင်းမြစ်များ

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Eksodus 24:10

ha gweles Duw Ysrael, hag yth esa yn-dann y dreys kepar ha leur a saffir avel nev y honan yn klerder.

Ysay 54:11

Ty druan, tewedhek, ha na veus konfortys, otta, my a sett dha veyn yn antimoni, ha'th fondya war selyow a saffir.

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Ezekiel 1:22

A-ugh pennow an kreaturs bew, yth esa hevelep an fyrmament, avel gwrys euthyk ystynnys a-ugh aga fennow.

Ezekiel 1:5

Y'n kres anedhi y feu hevelep peswar kreatur bew, ha hemma a veu aga semlans: i a's teva hevelep den,

Ezekiel 10:1

Ena my a viras, hag otta, y'n fyrmament esa a-ugh penn an cherubim yth esa neppyth avel men saffir, hag yth omdhiskwedhas a-ughta avel semlans hevelep tron.

Ezekiel 43:6

My a glewas nebonan ow kewsel dhymm yn-mes a'n tempel, ha'n gour ow sevel rybov.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Ezekiel 8:2

My a viras, hag otta hevelep kepar ha semlans gour. Dhiworth an rann a hevelis bos y dhiwglun bys an leur y feu tan, ha dhiworth y dhiwglun war-vann kepar ha'n semlans a splannder, avel amber ow lentri.

Daniel 10:18

Arta ev neb o haval dhe dhen a'm tochyas ha'm kennertha.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Matthew 25:13

Goelyewgh ytho, rag ny wodhowgh naneyl an jydh na'n eur may teu Mab an den.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 8:1

Lemmyn war verr lavarow, an pyth a leveryn yw hemma: ni a'gan beus arghoferyas, onan neb a esedhas orth leuv dhyghow tron Meuredh an nevow,

Yoshua 5:13

Pan esa Yoshua ryb Yeriko, ev a dhrehevis y dhewlagas ha gweles gour ow sevel a-dheragdho gans y gledha tennys yn y dhorn. Yoshua eth dhodho ha leverel dhodho, ‘Osta ragon ni po rag agan eskerens?’

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.

Diskwedhyans 14:14

Ha my a welas, hag otta, kommolenn wynn, ha war an gommolenn nebonan owth esedha kepar ha Mab den gans kurun owrek war y benn ha kromman lymm yn y dhorn.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 5:13

Ha pub kreatur y'n nev, ha war an nor, hag yn-dann an nor, hag y'n mor, ha pup-tra oll ynna i, a glewis vy ow leverel, ‘Dhe neb yw esedhys war an tron, ha dhe'n Oen, re bo bennath, hag enor, ha gordhyans ha galloes trank heb worfenn.’