Ezekiel 1:10 - An Bibel Kernewek 20234 (Kernewek Kemmyn)

¹⁰ Hevelep fasow aga feswar o fas den ha fas lew a-dhyghow, ha fas ojyon a-gledh; ha'ga feswar a's tevo fas er;

Ezekiel 1:10 ပူးပေါင်းရင်းမြစ်များ

1 Kroniklys 12:8

Rann an Gadysi a gildennas dhe Davydh y'n dinas y'n gwylvos. I o kasoryon alloesek ha dyskys yn batel, konnyk gans skoes ha guw. Aga fas o kepar ha fas lewyon hag i o mar skav avel gavrewiges war an menydhyow.

Job 39:27

Yw dha worhemmynn ji a wra an er dhe nija ughel y'n ebron, ha drehevel y neyth yn tyller ughel?

Lavarow Koth 14:4

Yn tyller ma nag eus oghen, gwag yw an presep; mes askorr pals a dheu gans nerth an ojyon.

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Ysay 46:8

Perthewgh kov a hemma ha prederewgh; avisewgh arta yn agas kolonn, hwi dhrogoberoryon.

Ezekiel 1:6

dhe bubonan peswar fas, ha dhe bubonan anedha peder askell.

Ezekiel 10:14

Yth esa peswar fas dhe bubonan: an kynsa fas o fas an cherub, ha'n nessa fas o fas den, ha'n tressa o fas lew, ha'n peswora o fas er.

Ezekiel 41:19

fas den troha'n palm war unn tenewen, ha fas lew troha'n palm war an tenewen arall. Kervys ens war oll an chi a-derdro.

Daniel 7:4

An kynsa o kepar ha lew, hag a'n jevo eskelli er. Ha my ow mires, y dhiwaskell a veu dibluvys, hag y feu sevys dhiwar an dor ha gorrys dhe sevel war y dhewdroes avel den; ha kolonn den a veu res dhodho.

Niverow 2:10

‘Dhe'n barth dhyghow y fydh baner kamp Rewben, herwydh aga luyow; ha hembrenkyas mebyon Rewben a vydh Elisur mab Shedeur.

Niverow 2:18

‘War-tu ha'n howlsedhes y fydh baner kamp Efraym herwydh aga luyow; ha hembrenkyas mebyon Efraym a vydh Elishama mab Ammihud,

Niverow 2:25

‘War-tu ha'n gledhbarth y fydh baner kamp Dan herwydh aga luyow; ha hembrenkyas mebyon Dan a vydh Ahiezer mab Ammishadday.

Niverow 2:3

An re ow kampya war denewen an est war-tu ha'n howldrehevel a vydh a vaner an kamp a Yuda herwydh aga luyow; ha hembrenkyas mebyon Yuda a vydh Nahshon mab Amminadab.

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Diskwedhyans 4:7

Ha'n kynsa kreatur bew yw kepar ha lew, ha'n nessa kreatur bew kepar ha leugh, ha'n tressa kreatur bew gans fas den, ha'n peswora kreatur bew kepar hag er ow nija.

Diskwedhyans 5:5

Hag onan a'n henavogyon a leveris dhymm, ‘Na wra oela. Otta, lew loeth Yuda, Gwreydhenn Davydh, re fethas dhe igeri an rol ha'y seyth sel.’

Breusysi 14:18

Gwer an dre a leveris dhodho dhe'n seythves dydh kyns an howl dhe sedhi, ‘Pyth yw hwekka es mel? Pyth yw kreffa es lew?’ Hag ev a leveris dhedha, ‘Mar ny arrewgh gans ow denewes, Ny dhisplegsewgh ow govynn koynt.’