Ester 4:16 - An Bibel Kernewek 20234 (Kernewek Kemmyn)

¹⁶ ‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Ester 4:16 ပူးပေါင်းရင်းမြစ်များ

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Jenesis 43:14

Ha re rollo Duw Ollgalloesek mersi dhywgh dherag an gour, may tannvonno dhywgh agas broder arall, ha Benyamin. Ha my – mar pydh ow fleghes kellys, kellys vydhons.’

2 Samuel 10:12

Bydh hardh, ha bedhen kolonnek rag agan pobel, ha rag sitys agan Duw; ha re wrello an Arloedh an pyth a hevel da dhodho.’

2 Myghternedh 7:4

Mar leveryn, “Ni a enter y'n sita,” yma'n divoetter y'n sita ha ni a verow ena. Ha mar esedhyn omma, ni a verow ynwedh. Ytho deun, ha kilfia dhe gamp Aram; mara'gan sawyons yn few, ni a wra bewa; ha mara'gan ladhons ny wren marnas merwel.’

2 Kroniklys 20:3

Yehoshafat a berthi own; ev a erviras hwilas an Arloedh, hag ev a ordenas penys der oll Yuda.

Ezra 8:21

Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Ester 4:15

Ena Ester a leveris dhedha may taskorrens gorthyp dhe Mordekay,

Ester 4:17

Ytho, yth eth Mordekay yn y fordh, ha gul war-lergh pup-tra re arghsa Ester dhodho.

Ester 4:3

Hag yn pub rannvro, py le pynag may teffa gorhemmynn hag arghadow an myghtern, yth esa drem meur yn mysk an Yedhewon, gans penys hag oelva ha kynvann; yth esa lies huni a'ga growedh yn yskar ha lusu.

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

Ester 9:31

rag fastya an dydhyow ma a Purim yn aga thermynyow ordenys, dell y's afydhsa Mordekay an Yedhow, hag Ester an vyghternes, ha dell y's afydhsens ragdha i aga honan ha rag aga has, materow ow tochya aga frysyow penys ha'ga hynvann.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Yeremia 36:9

Y'n pympes blydhen a Yehoyakim mab Yosia myghtern Yuda, y'n nawves mis, oll an bobel yn Yerusalem hag oll an bobel a dheuth a sitys Yuda dhe Yerusalem a elwis penys a-rag an Arloedh.

Daniel 2:18

Ev a's pysis a hwilas truedh dhiworth Duw a nev ow tochya an kevrin ma, ma na ve Daniel ha'y gowetha distruys war-barth gans remenant an dus fur a Babylon.

Matthew 12:40

Rag kepar dell esa Yona yn torr an morvil tri dydh ha teyr nos, yndella y fydh Mab an den tri dydh ha teyr nos yn kolonn an nor.

Luk 9:24

Rag piwpynag a vynno gwitha y vewnans a'n kyll; mes piwpynag a gollo y vewnans a-barth dhymmo vy, ev a'n gwith.

Yowann 19:22

Pilat a worthybis, ‘An pyth a skrifis, my re'n skrifas.’

Oberow 10:7

Pan alsa dhe-ves an el neb a gewsis orto, ev a elwis dew a wesyon an mayni ha souder kryjyk a'n re a'n servya prest,

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Oberow 27:33

Pan esa bora ow talleth, Powl a's bysis i oll a gemmeres boes, ow leverel, ‘Hedhyw nans yw an peswardhegves dydh mayth esowgh ow kortos, ow pesya heb boes; ny dhyb'sowgh travyth.

Oberow 9:9

Ha tri dydh ny ylli gweles, ha ny dhybris nag eva.

Romanyon 16:4

neb a-barth ow bewnans a beryllyas aga honna aga honan mayth aswonnyn gras dhedha, my ow honan, mes ynwedh oll eglosyow an kenedhlow;

Filippianys 2:30

rag der ober Krist, ev a dheuth bys yn ankow, ow peryllya y vewnans dhe gollenwel an gweres na yllewgh ri dhymm.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

1 Samuel 19:5

rag ev a worras y vewnans yn y leuv ha ladha an Filistyas, ha'n Arloedh a dhros trygh meur rag oll Ysrael. Ty a'n gwelas ha lowenhe; prag y fynnydh pegha erbynn goes gwiryon, dhe ladha Davydh heb ken?’