Eksodus 9:29 - An Bibel Kernewek 20234 (Kernewek Kemmyn)

²⁹ Moyses a leveris dhodho, ‘Kettell av vy a'n sita, my a wra ystynn ow diwla dhe'n Arloedh; hedhi a wra an taran, ha ny vydh namoy keser, may hwodhvi bos an nor dhe'n Arloedh.

Eksodus 9:29 ပူးပေါင်းရင်းမြစ်များ

1 Korinthianys 10:26

rag ‘dhe'n Arloedh yw an nor, ha pup-tra eus ynno.’

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Salmow 143:6

My a ystynn ow diwleuv dhiso; ow enev a yeun war dha lergh kepar ha tiredh sygh. Sela.

1 Myghternedh 8:38

ha pan vo pysadow pynag po pledyans pynag gwrys gans den po gans oll dha bobel Ysrael, owth aswonn galarow aga holonn aga honan mayth ystynnons aga diwleuv war-tu ha'n chi ma:

1 Myghternedh 8:22

Ena Solomon a sevis a-rag alter an Arloedh yn lok oll kuntelles Ysrael, hag ystynn y dhiwleuv dhe nev.

Dewteronomi 10:14

Otta, an nev ha nev an nevow yw dhe'n Arloedh dha Dhuw, an norvys ha pup-tra eus ynno.

1 Korinthianys 10:28

Mes mar lever nebonan dhywgh, ‘Hemma re beu offrynnys yn sakrifis’, na'n dybrewgh, ow kul vri orth neb a leveris dhywgh hag drefenn kowses,

Salmow 135:6

Pup-tra a vynnas an Arloedh, ev a'n gwrug yn nev hag yn nor, y'n moryow hag y'n downderyow oll.

Salmow 50:12

Mar porthen vy nown, ny lavarsen dhis, rag dhymmo vy yma oll an nor ha pup-tra eus ynno.

Job 11:13

‘Mar pareusydh dha golonn, hag ystynn dha leuv trohag ev,

Ezra 9:5

Hag orth offrynn an gorthugher my a sevis a-dhiworth ow uvelheans; ha'm dillas ha'm mantell skwardys, my a goedhas war benn-dewlin, ha lesa ow diwla dhe'n Arloedh ow Duw,

Eksodus 19:5

Lemmyn ytho, mars owgh gostydh dhe'm lev ha gwitha ow hevambos, hwi a vydh ow ferghennogeth arbennik ow honan yn mysk poblow oll; rag oll an nor yw dhymm,

Eksodus 9:33

Ytho Moyses eth yn-mes a'n sita dhiworth Faro, hag ystynn y dhiwdhorn dhe'n Arloedh; ha'n taran ha'n keser a hedhis, ha ny goedhas na fella an glaw war an nor.

Eksodus 8:22

Mes y'n jydh na my a wra settya pow Goshen a-denewen, le may ma ow fobel trigys, ma na vo ena hesow kelyon; may hwodhvi my dhe vos an Arloedh yn mysk an nor.

Eksodus 20:11

rag yn hwegh dydh an Arloedh a wrug nev ha nor, an mor, ha myns eus ynna, ha powes y'n seythves dydh; ytho an Arloedh a vennigas an seythves dydh ha'y sanshe.

Eksodus 8:6

Ytho, Aron a ystynnas y dhorn dres dowrow Ejyp; ha'n kwilkynyow a dheuth ha kudha pow Ejyp.