Eksodus 38:18 - An Bibel Kernewek 20234 (Kernewek Kemmyn)

¹⁸ Ha kroglenn porth an klos a veu brosweyth yn pann glas ha purpur ha kogh ha sendal plethys; an hys o ugens kevelin, ha'n ughelder o pymp kevelin y'n les, herwydh kroglennow an klos.

Eksodus 38:18 ပူးပေါင်းရင်းမြစ်များ

2 Kroniklys 3:14

Ev a wrug an groglenn a lien fin glas ha purpur ha rudhgogh hy liw, hag ynni ev a wias cherubim.

Eksodus 26:1

Ha, ty a wra an tabernakel gans deg kroglenn a sendal plethys ha pann glas ha purpur ha kogh; gans cherubim, ober gweythor kweth, ty a's gwra.

Eksodus 26:36

Ha ty a wra kroglenn rag porth an tabernakel, a bann glas ha purpur ha kogh ha sendal plethys, brosys gans gweyth naswydh.

Eksodus 38:17

Ha krawyow an kolovenyow o a vrons, mes higennow an kolovenyow ha'ga bondow o a arghans; gorlownyans aga fenn-kolovenyow o a arghans ynwedh, hag oll kolovenyow an klos a'n jevo bondow a arghans.

Eksodus 38:19

Ha'ga holovenyow o peswar; aga feswar kraw o a vrons, aga higennow a arghans, ha gorlownyans aga fenn-kolovenyow ha'ga bondow a arghans.