Eksodus 35:35 - An Bibel Kernewek 20234 (Kernewek Kemmyn)

³⁵ Ev re's lenwis gans galloes dhe wul pub eghenn a ober gwrys gans krefter po gweythor kweth po brosyer yn pann glas ha purpur ha kogh ha sendal, po gans gwiader; oberoryon yn kreftweyth a bub eghenn, ha gweythoryon kweth a dhevisyow konnyk.

Eksodus 35:35 ပူးပေါင်းရင်းမြစ်များ

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 7:14

Ev o mab gwedhwes a loeth Naftali, ha'y das, gour a Tyr, re bia krefter brons; ev o leun a sleyghneth, poell ha skentoleth yn pub eghenn a ober yn brons. Ev a dheuth dhe Solomon hag a wrug oll y ober.

2 Kroniklys 2:14

may feu y vamm a Dan, ha'y das o gour a Tyr. Dyskys ywa dhe oberi yn owr, arghans, brons, horn, men, ha prenn, hag yn pann purpur, glas ha rudhgogh, ha lien fin, ha dhe wul gravyans a lies sort, ha dhe wul pub desin oll a rer dhodho, gans dha seri dha honan, ha seri ow arloedh, dha das Davydh.

Job 7:6

Skaffa ages gwennel gwiader yw ow dydhyow, hag i a worfenn heb govenek.

Eksodus 26:1

Ha, ty a wra an tabernakel gans deg kroglenn a sendal plethys ha pann glas ha purpur ha kogh; gans cherubim, ober gweythor kweth, ty a's gwra.

Eksodus 31:3

ha my re'n lenwis gans spyrys Duw, gans furneth ha konvedhes, gans skians hag oll kreftweyth,

Eksodus 31:6

Hag otta, my re'n untyas ganso Oholiab mab Ahisamak, a loeth Dan; ha my re ros sleyghneth dhe bub krefter konnyk may hwrellons pup-tra re erghis dhis:

Eksodus 35:31

hag ev re'n lenwis gans Spyrys Duw, gans furneth ha konvedhes, gans skians ha gans kreftweyth a bub eghenn,

Eksodus 36:1

Besalel hag Oholiab ha pub krefter konnyk ynno may hworras Duw furneth ha konvedhes dhe wodhvos gul oll ober vyth yn gwrians an sentri a wra oberi herwydh oll re worhemmynnis an Arloedh.

Ysay 28:26

Y Dhuw a wra y gevarwoedha, ha'y dhyski yn ewn.

Ysay 38:12

Ow thrigva yw tennys yn-mes ha destryppys dhiworthiv avel tylda bugel; avel gwiader re rolis vy ow throgel; ev a'm tregh dhe-ves dhiworth an steuv; dydh ha nos ty a'm dre dhe dhiwedh.

Oberow 19:6

Ha Powl ow korra y dhiwla warnedha, an Spyrys Sans a dheuth warnedha, hag i a dhallathas kewsel yn tavosow ha profoesa.

Oberow 19:8

Ev a entras y'n synaga ha dres tri mis ev a gewsi yn hardh, ow tadhla hag owth assaya aga dri dhe gryjyans a-dro dhe wlaskor Duw.

1 Korinthianys 1:5

rag yn pub fordh hwi re beu gwrys kevoethek ynno ev, yn kows ha skentoleth a bub eghenn –

1 Korinthianys 1:7

ma na fyllowgh hwi a ro spyrysel vyth, ha hwi ow kwaytya gans mall diskwedhyans agan Arloedh Yesu Krist.

1 Korinthianys 12:12

Rag kepar dell yw an korf onan, ha ganso lies esel, (mes eseli an korf, kynth yns lies, yw unn korf), yndella ynwedh yw Krist.

1 Korinthianys 12:4

Lemmyn rohow a lies eghenn yma, mes an keth Spyrys;

1 Korinthianys 12:8

Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

Galatianys 3:2

Hemma unnsel a vynnav dyski genowgh: A dhegemmersowgh hwi an Spyrys der oberow an lagha po dre grysi an pyth a glewsowgh?

Galatianys 3:5

Ev neb a dharbar ytho an Spyrys dhywgh hag oberi gans galloes ynnowgh, a wra ev y wul der oberow an lagha po dre fydhya y'n pyth a glewsowgh?

1 Timothi 3:15

Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

1 Timothi 4:16

Bydh war a-dro dhiso jy dha honan, hag a-dro dhe'th tyskas; gwra pesya ynna i, rag, ow kul yndella, ty a wra omselwel, ha selwel ynwedh dha woslowysi.

2 Timothi 2:15

Bydh freth dhe omdhiskwedhes kemmeradow dhe Dhuw, gonisyas heb meth, ow styrya yn ewn an ger a wiryonedh,