Eksodus 35:21 - An Bibel Kernewek 20234 (Kernewek Kemmyn)

²¹ Hag y teuthons, pubonan kolonnek, ha pubonan gans spyrys bolonjedhek, ha dri offrynn an Arloedh rag ober tylda an kuntelles, ha rag oll y wonis, ha rag an gwiskasow sans.

Eksodus 35:21 ပူးပေါင်းရင်းမြစ်များ

2 Samuel 7:27

‘Rag ty, A Arloedh an luyow, Duw Ysrael, re dhiskwedhsys hemma dhe'th was, ow leverel, “My a dhrehav chi ragos”; rakhenna dha was re gavas kolonnekter dhe bysi dhis an pysadow ma.

1 Kroniklys 28:2

Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:14

‘Mes piw ov vy, ha piw yw ow fobel, ni dhe alloes profya yndella mar hel? Rag dhiworthis jy y teu pup-tra, hag a'th leuv dha honan yth eson ow ri dhis.

1 Kroniklys 29:3

Gans henna, rag my dhe gavoes delit yn chi ow Duw, my re ros owr hag arghans dhiworth ow pyth ow honan, yn keworrans dhe oll re bareusis vy rag an chi sans:

1 Kroniklys 29:8

Pubonan mayth esa dhodho meyn drudh a's ros dhe argh chi an Arloedh, dre leuv Yehiel an Gershonyas.

1 Kroniklys 29:9

An dus a lowenhas, rag an rohow dhe vos res dhe'n Arloedh a'ga bodh hag a leun golonn. Myghtern Davydh ynwedh o pur lowen.

Ezra 2:68

Ha re a bennow an teyluyow, pan dheuthons dhe ji an Arloedh usi yn Yerusalem, a ros offrynnow bolonjedhek rag chi Duw dh'y dhrehevel yn y dyller:

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Eksodus 25:2

Kows orth mebyon Ysrael may trollons offrynn dhymm; a bub den bolonjedhek yn y golonn ty a wra degemmeres an offrynn dhymm.

Eksodus 35:20

Ena kuntelles mebyon Ysrael oll a dhibarthas a wolok Moyses.

Eksodus 35:22

Yndellma y teuthons, ha gwer ha benynes; oll a golonn volonjedhek a dhros brochys ha bysowyer ha bysowyer-sel ha tergh, pub eghenn a daklow owrek, peub owth offrynna offrynn a owr dhe'n Arloedh.

Eksodus 35:26

ha'n benynes oll ha'ga holonn movyes gans galloes a nedhas blew an gever.

Eksodus 35:29

An wer ha'n benynes oll, mebyon Ysrael, ha'ga holonn movyes dhe dhri neppyth rag an ober re worhemmynnsa an Arloedh dre leuv Moyses dhe vos gwrys, a'n dros avel aga offrynn bolonjedhek dhe'n Arloedh.

Eksodus 35:5

Kemmerewgh a-dhiworthowgh offrynn dhe'n Arloedh; neb a'n jeffo kolonn volonjedhek, gas ev dhe dhri offrynn an Arloedh: owr, arghans ha brons;

Eksodus 36:2

Ha Moyses a elwis Besalel hag Oholiab ha pub krefter konnyk ynno may hworras Duw godhvos yn y golonn, peub a vo kolonnek, dhe dhos dhe wul an ober;

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.

2 Korinthianys 9:7

Res yw dhe bub huni ri an pyth a erviras yn y golonn, heb anvodh po heb bos ynniys: rag Duw a gar riyas lowenek.

Breusysi 5:12

‘Difun, difun, Debora! Difun, difun, dyllo kan! Sa'bann, Barak, led dha brisnoryon dhe-ves, A vab Abinoam.

Breusysi 5:3

‘Klewewgh, A vyghternedh, goslowewgh, A bennsevigyon; dhe'n Arloedh y kanav, my a gan gormola dhe'n Arloedh, dhe Dhuw Ysrael.

Breusysi 5:9

Ow holonn a dhe gaslewydhyon Ysrael hag a ombrofyas a'ga bodh yn mysk an bobel. Bennigewgh an Arloedh.