Eksodus 34:28 - An Bibel Kernewek 20234 (Kernewek Kemmyn)

²⁸ Hag y feu ena gans an Arloedh dew-ugens dydh ha dew-ugens nos; ha ny dhybris bara nag eva dowr. Hag y skrifas war leghennow geryow an kevambos, an deg gorhemmynn.

Eksodus 34:28 ပူးပေါင်းရင်းမြစ်များ

1 Myghternedh 19:8

Ev a sevis, ha dybri hag eva; ena ev eth yn nerth an boes na dew-ugens dydh ha dew-ugens nos dhe Horeb, menydh Duw.

Eksodus 24:18

Ha Moyses a entras a-ji dhe'n kommol hag yskynna war an menydh. Hag yth esa Moyses war an menydh dew-ugens dydh ha dew-ugens nos.

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Eksodus 32:16

Ha'n leghennow o ober Duw, ha'n skrif o skrif Duw, gravys war an leghennow.

Eksodus 34:1

An Arloedh a leveris dhe Moyses, ‘Fols diw leghenn a ven haval dhe'n kynsa; ha my a wra skrifa war an leghennow an geryow esa war an kynsa leghennow, a derrsys.

Eksodus 34:10

Hag ev a leveris, Otta, my a wra dhis kevambos. A-rag oll dha bobel my a wra anethow a'n par na vons gwrys war oll an norvys nag yn py kenedhel bynag; hag oll an bobel mayth esos yn aga mysk a wra gweles ober an Arloedh rag yth yw tra euthyk hag a wrav genes.

Matthew 4:2

Ha pan wrussa penys dew-ugens dydh ha dew-ugens nos, a-wosa ev a borthas nown.

Luk 4:2

dew-ugens dydh, temptys gans an jowl. Ha ny dhybris travyth y'n dydhyow na, ha wosa i dhe worfenna, nown a'n jeva.

2 Korinthianys 3:7

Lemmyn mar teuth an menystrans a ankow yn golewder, grevys yn leghyon a ven, ma na allas mebyon Ysrael hwithra war fas Moyses drefenn golewder y fas, ow tremena dhe-ves dell esa,

Dewteronomi 10:10

My a sevis war an menydh avel an kynsa dew-ugens dydh ha dew-ugens nos, ha'n Arloedh a woslowas orthiv an weyth na ynwedh, ha ny vynnas an Arloedh dha dhistrui.

Dewteronomi 10:5

Ena my a dreylyas ha diyskynna dhiworth an menydh ha gorra an leghennow y'n argh a wrug vy, hag yth esons ena kepar dell worhemmynnis an Arloedh dhymm.

Dewteronomi 4:13

Ev a dhiskleryas dhywgh y gevambos a worhemmynnis dhywgh dhe wul, an deg ger, hag ev a's skrifas war dhiw leghenn a ven.

Dewteronomi 9:18

Ena my a goedhas dhe'n dor a-rag an Arloedh avel kyns, dewgens dydh ha dewgens nos; ny dhybris bara nag eva dowr, rag oll agas pegh a beghsowgh, ow kul drog a-wel an Arloedh, dh'y brovokya dhe sorr.

Dewteronomi 9:25

Ytho my a goedhas dhe'n dor a-rag an Arloedh dewgens dydh ha dewgens nos, ow krowedha ena a-hys, rag an Arloedh a lavarsa ev dhe vynnes agas distrui.

Dewteronomi 9:9

Pan yskynnis dhe'n menydh dhe dhegemmeres an leghennow a ven, leghennow an kevambos a wrug an Arloedh genowgh, my a wortas y'n menydh dewgens dydh ha dewgens nos; ny dhybris bara nag eva dowr.