Eksodus 34:1 - An Bibel Kernewek 20234 (Kernewek Kemmyn)

¹ An Arloedh a leveris dhe Moyses, ‘Fols diw leghenn a ven haval dhe'n kynsa; ha my a wra skrifa war an leghennow an geryow esa war an kynsa leghennow, a derrsys.

Eksodus 34:1 ပူးပေါင်းရင်းမြစ်များ

Salmow 119:89

Dha er, A Arloedh, yw desedhys fast bynitha yn nev.

Eksodus 24:12

An Arloedh a leveris dhe Moyses, ‘Yskynn dhymm war an menydh, ha gortos ena, ha my a re dhis an leghennow a ven, gans an lagha ha'n gorhemmynn, re skrifis dh'aga dyskans.’

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Eksodus 32:16

Ha'n leghennow o ober Duw, ha'n skrif o skrif Duw, gravys war an leghennow.

Eksodus 32:19

Ha kettell dheuth nes dhe'n kamp ha gweles an leugh ha'n donsya, sorr Moyses a loskas fers, hag ev a dewlis an leghennow a'y dhiwdhorn ha'ga therri dhe droes an menydh.

Eksodus 34:28

Hag y feu ena gans an Arloedh dew-ugens dydh ha dew-ugens nos; ha ny dhybris bara nag eva dowr. Hag y skrifas war leghennow geryow an kevambos, an deg gorhemmynn.

Eksodus 34:4

Ytho ev a folsas diw leghenn a ven avel an kynsa; hag y sevis myttin a-varr hag yskynna menydh Sinay, dell worhemmynnsa an Arloedh dhodho, ha kemmeres yn y dhorn diw leghenn a ven.

Yeremia 36:32

Ena Yeremia a gemmeras ken rol-skrifa ha'y ri dhe Baruk an skrifennyas, mab Neria, neb a skrifas warnedhi a-dhiworth ganow Yeremia oll geryow an rol-skrifa re losksa Yehoyakim myghtern Yuda y'n tan; ha lies ger kehaval a veu keworrys dhedha.

Dewteronomi 4:13

Ev a dhiskleryas dhywgh y gevambos a worhemmynnis dhywgh dhe wul, an deg ger, hag ev a's skrifas war dhiw leghenn a ven.