Eksodus 33:3 - An Bibel Kernewek 20234 (Kernewek Kemmyn)

³ Ke dhe dir a dhinwa leth ha mel; mes ny wrav mos y'n kres ahanas, ma na'th kowllytthiv, rag pobel kales hy hilbenn yth os.’

Eksodus 33:3 ပူးပေါင်းရင်းမြစ်များ

2 Myghternedh 17:14

Ny vynnsens goslowes mes kales aga hilbenn ens, dell ens aga thasow na grysi y'n Arloedh aga Duw.

Salmow 78:8

Ha ma na vens avel aga thasow, henedh gorth ha dislen; henedh na veu fyrv aga holonn, ha nag esa aga spyrys len gans Duw.

Eksodus 13:5

Ha pan y'th trollo an Arloedh dhe bow an Kananysi, an Hittysi, an Amorysi, an Hivysi, ha'n Yebusysi, hag a ambosas dhe'th tasow dhe ri dhis, tir a dhinwa leth ha mel, ty a wra gwitha an deves ma y'n mis ma.

Eksodus 23:21

Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Eksodus 33:5

Rag an Arloedh re lavarsa dhe Moyses, ‘Lavar dhe vebyon Ysrael, “Ty yw pobel kales dha gilbenn; mar teffen unn pols y'n kres ahanas, my a'th kowlladhsa. Ytho, diwisk dha degynnow a-dhiworthis, may hwodheffiv an pyth dhe wul genes.” ’

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Ysay 48:4

Drefenn my dhe wodhvos dha vos gorth, ha'th konna dhe vos giowenn a horn, ha'th tal dhe vos brest,

Yeremia 11:5

may kollenwiv an ti a des dh'agas tasow, ri dhedha tir a dhinwa leth ha mel, dell yw hedhyw. Ena my a worthybis, ‘Yndella re bo, A Arloedh.’

Ezekiel 20:6

Y'n jydh na my a dhrehevis ow leuv dhedha ha ti, my dh'aga dri yn-mes a bow Ejyp dhe dir a aspiis ragdha, a dhinwa leth ha mel, an tekka a'n tiryow oll.

Levitikus 20:24

Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Yona 3:4

Yona a dhallathas mos y'n sita, kerdh a unn jydh, hag ev a grias ha leverel, ‘Hwath dew-ugens dydh, ha Nineve a vydh domhwelys.’

Niverow 13:27

Hag i a leveris dhodho, ‘Ni a dheuth dhe'n tir le ma'gan dannvensys; devri, ev a dhinwa leth ha mel, ha hemm yw y frut.

Niverow 14:12

My a's gwysk gans an pla ha'ga diserita, ha my a wra ahanowgh gwlaskor brassa ha galloesekka agessa.’

Niverow 14:8

Mars yw an Arloedh pes da ahanan, ev a'gan dre dhe'n tir ma ha'y ri dhyn, tir a dhinwa leth ha mel.

Niverow 16:13

Yw hi tra vyghan ty dh'agan dri yn-bann yn-mes a dir a dhinwa leth ha mel, dh'agan ladha y'n gwylvos, mayth yw res dhis ynwedh omwul bos penntern a-ughon?

Niverow 16:21

Diberthewgh dhiworth an kuntelles ma, ma'n kowlloskav yn unn lamm.

Niverow 16:45

‘Kewgh dhe-ves a-dhiworth an kuntelles ma, may hylliv aga howlleski yn unn lamm.’ Hag i a goedhas war aga fas.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Dewteronomi 4:24

Rag an Arloedh dha Dhuw yw tan ow tevorya, Duw avius.

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.