Eksodus 33:17 - An Bibel Kernewek 20234 (Kernewek Kemmyn)

¹⁷ Ha'n Arloedh a leveris dhe Moyses, ‘An keth tra ma re gewssys, my a'n gwra; rag ty re gavas gras y'm golok, ha my a'th aswonn dre hanow.’

Eksodus 33:17 ပူးပေါင်းရင်းမြစ်များ

Jenesis 18:32

Hag ev a leveris, ‘Na vedhes an Arloedh serrys, ha my a vynn kewsel an torn ma yn unnsel. Martesen y fydh deg kevys ena.’ Hag yn-medh ev, ‘Ny wrav vy distrui rag deg.’

Jenesis 19:19

Awotta lemmyn, dha servont re gavas gras y'th wolok ha ty re gressyas dha dregeredh re wruss'ta genev ow sawya ow bewnans; ha ny allav fia dhe'n menydh, rag own a'n droktra dhe'm kemmeres ha my dhe verwel.

Jenesis 19:21

Hag yn-medh ev dhodho, ‘Otta, my a wront dhis dha vynnas y'n mater ma ynwedh. Ny wrav vy domhwel an sita ma re wruss'ta kewsel anedhi.

Jenesis 6:8

Mes Noy a gavas gras yn golok an Arloedh.

Eksodus 33:12

Moyses a leveris dhe'n Arloedh, ‘Mir, ty a lever dhymm, “Doro an bobel ma yn-bann”; mes ny'm gessys dhe wodhvos piw a dhannvonydh genev. Hwath re leversys, “My a'th aswonn dre hanow, ha ty re gavas gras y'm golok.”

Ysay 45:3

My a re dhis tresoryow a dewlder, ha rychys kudhys yn tylleryow kevrinek, rag may hwodhvi yth yw my, an Arloedh, Duw Ysrael, neb a'th elow orth dha hanow.

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Yowann 16:23

Hag y'n jydh na ny wrewgh govynn orthiv travyth. Yn hwir, yn hwir y lavarav dhywgh, pypynag a wovynnowgh a'n Tas y'm hanow vy, ev a'n re dhywgh.

Dewteronomi 9:19

Rag my a borthas own a'n sorr ha'n gonnar may fernewis an Arloedh gansa er agas pynn, dh'agas distrui. Mes an Arloedh a woslowas orthiv y'n eur na ynwedh.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.