Eksodus 33:14 - An Bibel Kernewek 20234 (Kernewek Kemmyn)

¹⁴ Hag ev a leveris, ‘My ow honan a wra mos genes, ha my a re dhis powes.’

Eksodus 33:14 ပူးပေါင်းရင်းမြစ်များ

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 95:11

Rakhenna my a wrug ti y'm sorr, na wrellens entra y'm powesva.

Eksodus 13:21

Ha'n Arloedh eth a-dheragdha dydhweyth yn koloven a gommol dh'aga hembronk war an hyns, ha nosweyth yn koloven a dan dhe ri golow dhedha, may hallens mones dydh ha nos;

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 31:2

Yndellma y lever an Arloedh: An bobel a veu gesys a'n kledha a gavas favour y'n gwylvos; hwath Ysrael pan hwilas powes,

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Daniel 12:13

Ha ty, ke bys y'n diwedh, hag y hwredh powes, ha degemmeres dha rann orth diwedh an dydhyow.’

Matthew 11:28

Dewgh dhymmo vy oll hwi yw skwithys ha beghys poes, ha my a re powes dhywgh.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Dewteronomi 12:10

Mes pan dreusowgh an Yordan ha triga y'n tir a wra an Arloedh agas Duw y ri dhywgh dh'y erita, ha pan re powes dhywgh dhiworth oll agas eskerens a-derdro, hwi a drig yn sawder.

Dewteronomi 25:19

Ytho pan wra an Arloedh dha Dhuw ri dhis powesva dhiworth oll dha eskerens a-derdro, y'n tir a wra an Arloedh dha Dhuw y ri dhis avel eretons dh'y erita, ena ty a dhefend dhe-ves yn tien kov Amalek a-dhann nev. Na ankov.

Dewteronomi 3:20

bys pan re an Arloedh powes dh'agas breder, kepar dell ros dhywgh hwi, hag i ynwedh a erit an tir usi an Arloedh agas Duw ow ri dhedha dres an Yordan. Ena pubonan a dhehwel dh'y eretons re res dhywgh.’

Dewteronomi 31:8

An Arloedh dha Dhuw yth yw neb a gerdh a-ragos; ev a vydh genes, ny wra dha asa na'th forsakya; na borth own, ha na borth euth.’

Dewteronomi 4:37

Drefenn ev dhe gara dha dasow, ev a dhewisas aga has war aga lergh, hag ev y honan a'th tros mes a Ejyp ha der y alloes bras,

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Yoshua 22:4

Ha lemmyn an Arloedh agas Duw re ros powes dh'agas breder, dell ambosas dhedha. Ytho lemmyn treylyewgh ha mos dh'agas tyldow ha dhe dir agas perghennogeth a ros Moyses gwas an Arloedh dhywgh dres an Yordan.

Yoshua 23:1

Lies blydhen a-wosa, a-ban rosa an Arloedh powes dhe Ysrael a-dhiworth oll aga eskerens y'n kyrghynn, ha pan o Yoshua gyllys koth yn y dhydhyow,