Eksodus 31:15 - An Bibel Kernewek 20234 (Kernewek Kemmyn)

¹⁵ Hwegh dydhweyth a ober a vydh gwrys, mes an seythves dydh yw sabot a bowes, sans dhe'n Arloedh; piwpynag a wrello ober vyth dydh an sabot a vydh gorrys dhe'n mernans.

Eksodus 31:15 ပူးပေါင်းရင်းမြစ်များ

Jenesis 2:2

Ha'n seythves dydh Duw a worfennas y ober re wrussa gul, hag ev a bowesas an seythves dydh a'n ober oll re wrussa.

Levitikus 23:3

Yma hwegh dydh may fydh ober gwrys, ha'n seythves dydh yw sabot powes, kuntelles sans. Ny wrewgh hwi gul ober vyth. Sabot an Arloedh yw yn oll agas trigvaow.

Eksodus 16:23

ev a leveris dhedha, ‘Hemm yw an pyth a worhemmynnis an Arloedh: “An vorow a vydh dydh a bowes, sabot sans dhe'n Arloedh; pebewgh an pyth a bebowgh ha bryjyewgh an pyth a vryjyowgh, ha pup-tra yw gesys gorrewgh a-denewen dhe vos gwithys bys y'n myttin.” ’

Eksodus 34:21

Hwegh dydh ty a wra oberi, mes y'n seythves dydh ty a wra powes; yn termyn aras ha trevas ty a wra powes.

Luk 23:56

hag i a dhehwelis ha pareusi spisys hag unyentys. Hag i a bowesas y'n sabot herwydh an gorhemmynn.

Luk 13:14

Mes rewler an synaga, serrys rag Yesu dhe yaghhe yn dydh sabot, a worthybis, ha leverel dhe'n routh, ‘Yma hwegh dydh may tal oberi; dewgh ytho ynna ha bos yaghhes, a-der y'n sabot.’

Eksodus 35:2

Hwegh dydh y fydh ober gwrys, mes y'n seythves dydh y'gas bydh sabot sans a bowes dhe'n Arloedh; piwpynag a wrello ober vyth ynno a vydh gorrys dhe'n mernans;

Eksodus 31:17

Arwoedh yw bys vykken yntra my ha mebyon Ysrael an Arloedh dhe wruthyl nev ha nor yn hwegh dydh, hag y'n seythves dydh ev a bowesas, hag a veu diskwithys.’

Ebrowyon 4:9

Ytho yma powes an sabot gesys hwath rag pobel Duw;

Ezekiel 46:1

Yndellma y lever an Arloedh: yet an klos a-bervedh, a vir troha'n est, a vydh deges y'n hwegh dydh a lavur; mes yn dydh an sabot y fydh igerys, hag yn dydh an loer nowydh.

Levitikus 23:32

Y fydh sabot solem ragowgh ha hwi a omjasti. Yn nawves dydh an mis y'n gorthugher, a'n gorthugher bys y'n gorthugher hwi a with agas sabot.

Eksodus 31:14

Hwi a wra gwitha an sabot, rag y vos sans dhywgh; peub a'n defol a vydh gorrys dhe'n mernans; piwpynag a wrello ober vyth ynno, an enev na a vydh treghys a-dhiworth y bobel.

Eksodus 16:26

Hwegh dydh hwi a'n kuntell; mes y'n seythves dydh, hag yw sabot, ny vydh travyth.’

Eksodus 23:12

Hwegh dydh ty a wra dha ober, mes y'n seythves dydh ty a wra powes; may fo powes dhe'th ojyon ha dhe'th asen, ha may fo diskwithys mab dha gethes, ha'n alyon.

Eksodus 31:16

Ytho mebyon Ysrael a wra gwitha an sabot, ow kul vri a'n sabot der aga henedhow, avel kevambos bys vykken.

Eksodus 35:3

ny wrewgh hwi enowi tan vyth yn agas annedhow dydh an sabot.

Levitikus 16:29

Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Dewteronomi 5:12

Gwith dydh an sabot dh'y witha sans, dell worhemmynnis an Arloedh dha Dhuw dhis.