Eksodus 30:33 - An Bibel Kernewek 20234 (Kernewek Kemmyn)

³³ Neb a gemmysko oyl avello po neb a worro anodho war estren a vydh treghys a'y bobel.’

Eksodus 30:33 ပူးပေါင်းရင်းမြစ်များ

Jenesis 17:14

Ha gorreydh heb trodreghyans, nag yw trodreghys kig y gudhgenn, treghys dhe-ves dhiworth y bobel vydh an enev na; ev re dorras ow hevambos.’

Eksodus 12:15

Seyth dydh hwi a wra dybri bara heb goell; y'n kynsa dydh hwi a wra gorra goell yn-mes a'gas chiow, rag mar teppro nebonan goell, a'n kynsa dydh dhe'n seythves, an den na a vydh treghys dhiworth Ysrael.

Eksodus 12:19

Dre seyth dydh ny vydh kevys goell vyth yn agas chiow; rag mar teppro nebonan neppyth gans goell, an den na a vydh treghys a guntelles Ysrael, kyn fo alyon po genesik a'n tir.

Eksodus 29:33

I a dheber an taklow na gansa may feu gwrys prenedh, dh'aga sakra ha sanshe, mes ny wra estren dybri anedha, rag aga bos sans.

Eksodus 30:34

Ha'n Arloedh a leveris dhe Moyses, Kemmer spisyow hweg, stakte, hag onygha, ha galbanum, spisyow hweg gans frankynkys pur (a bubonan anedha y fydh rannow par),

Eksodus 30:38

Piwpynag a wrello nebes haval dhodho dh'y dhevnydhya avel perfum a vydh treghys a'y bobel.

Eksodus 31:14

Hwi a wra gwitha an sabot, rag y vos sans dhywgh; peub a'n defol a vydh gorrys dhe'n mernans; piwpynag a wrello ober vyth ynno, an enev na a vydh treghys a-dhiworth y bobel.

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 17:14

Rag bewnans pub kig yw y woes. Ytho my a leveris dhe vebyon Ysrael, Ny wrewgh dybri goes kig vytholl, rag bewnans pub kig yw y woes. Piwpynag a'n dheppro a vydh treghys dhe-ves.

Levitikus 17:4

heb y dhri bys yn daras tylda an kuntelles dhe offrynna offrynn dhe'n Arloedh dherag tabernakel an Arloedh: goes a vydh reknys erbynn an gour na; an gour ma re skoellyas goes, hag ev a vydh treghys dhe-ves dhiworth y bobel.

Levitikus 17:9

heb y dhri dhe dharas tylda an kuntelles, dh'y offrynna dhe'n Arloedh, an keth gour na a vydh treghys dhe-ves dhiworth y bobel.

Levitikus 18:29

Peub a wrello taklow kasadow a'n par ma, an re a's gwra a vydh treghys dhe-ves dhiworth aga fobel.

Levitikus 19:8

Neb a'n deppro a dheg y gammweyth, rag ev re dhefolas an pyth yw sans dhe'n Arloedh, ha'n den na a vydh treghys dhe-ves dhiworth y bobel.

Levitikus 20:17

Mar kemmer gour y hwoer, myrgh y das, po myrgh y vamm, ha gweles hy noethedh, ha mar kwel hi y noethedh ev, meth yw, hag i a vydh treghys dhe-ves a wel mebyon aga fobel. Ev re dhiskudhas noethedh y hwoer. Ev a dheg y gammweyth.

Levitikus 20:18

Mar krowedh gour gans benyn yn termyn hy amseryow, ha diskudha hy noethedh, ev re dhiskudhas hy fenten, ha hi re dhiskudhas fenten hy goes, ha'ga dhew a vydh treghys dhe-ves dhiworth aga fobel.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 22:3

Lavar dhedha, Piwpynag oll a'gas has, der agas henedhow, a dheffo nes dhe'n taklow sans a wra mebyon Ysrael aga sakra dhe'n Arloedh, ha warnodho y avlander, an den na a vydh treghys dhe-ves a'm golok. An Arloedh ov vy.

Levitikus 23:29

Piwpynag na omuvelhaho poran an jydh na a vydh treghys dhe-ves dhiworth y bobel.

Niverow 15:30

Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Niverow 15:31

Drefenn ev dhe dhispresya ger an Arloedh, ha treghi y worhemmynn, an den na a vydh treghys dhe-ves yn tien; y gammweyth a vydh warnodho.

Niverow 19:13

Piwpynag a docchyo den marow, korf den pynag re verwis, ha ny omlanha, a dhefol tabernakel an Arloedh, ha'n den na a vydh treghys a-dhiworth Ysrael; drefenn na veu skoellys warnodho an dowr a lanheans, ev a vydh avlan; yma y avlander hwath warnodho.

Niverow 19:20

Mes an den yw avlan ha ny omlanha, an enev na a vydh treghys a-dhiworth an gemmynieth, drefenn ev dhe dhefola sentri an Arloedh; drefenn na veu skoellys warnodho an dowr a lanheans, ev yw avlan.

Niverow 4:18

‘Na as loeth teyluyow an Kohathysi dhe vos distruys yn mysk an Levysi;

Niverow 9:13

Mes an gour yw glan ha heb bos ow vyajya, mes hwath a omwith rag gwitha an pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh.