Eksodus 3:15 - An Bibel Kernewek 20234 (Kernewek Kemmyn)

¹⁵ Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Eksodus 3:15 ပူးပေါင်းရင်းမြစ်များ

Jenesis 24:12

Hag ev e leveris, ‘A Arloedh, Duw ow arloedh Abraham, gront dhymm sewena hedhyw my a'th pys ha diskwa tregeredh dhe'm arloedh Abraham.

1 Kroniklys 16:16

an kevambos a wrug gans Abraham, ha'n ti a dos dhe Ysak;

1 Kroniklys 29:18

A Arloedh Duw Abraham, Ysak hag Ysrael agan tasow, gwith hemma bys vykken yn brys ha prederow kolonn dha bobel, ha kevarwoedh aga holonn troha dhis.

2 Kroniklys 28:9

Mes yth esa profoes a'n Arloedh ena, Oded y hanow; ev eth yn-mes dhe vetya an lu a dheuth dhe Samaria, hag ev a leveris dhedha, ‘Drefenn an Arloedh Duw agas tasow dhe serri orth Yuda, ev re's ros yn agas leuv, mes hwi re's ladhas yn konnar re hedhas bys y'n nev.

Salmow 102:12

Mes ty, A Arloedh, a dhur bys vykken, ha'th kovadh a unn henedh dhe'n nessa.

Salmow 102:13

Ty a sev ha kemmeres truedh a Sion, rag prys yw bos grassyes orti; an prys apoyntys re dheuth.

Salmow 135:13

Dha hanow, A Arloedh, a dhur bys vykken, ha'th kovadh, A Arloedh, a unn henedh dhe'n nessa.

Salmow 30:4

Kenewgh gormola dhe'n Arloedh, hwi y syns ev, ha grassewgh dh'y hanow sans.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 68:5

Tas dhe'n omdhivasow, ha breusyas an gwedhwesow, yndella yw Duw yn y drigva sans.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Eksodus 15:2

An Arloedh yw ow nerth ha'm kan, hag ev res eth ha bos ow selwyans; hemm yw ow Duw ha'y wordhya a wrav, Duw ow thas, ha my a'n ughelha.

Eksodus 15:3

An Arloedh yw breselyas; an Arloedh yw y hanow.

Eksodus 3:13

Ena Moyses a leveris dhe Dhuw, ‘Mar tov dhe vebyon Ysrael ha leverel dhedha “Duw agas tasow re'm dannvonas dhywgh”, hag i a wovynn orthiv, “Pyth yw y hanow?” pandr'a lavarav dhedha?’

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Eksodus 4:1

Ha Moyses a worthybis ow leverel, ‘Fatla mar ny'm krysons na goslowes orth ow lev, mes leverel, “Ny omdhiskwedhas an Arloedh dhis”?’

Eksodus 4:5

‘may kryssons an Arloedh Duw aga thasow, Duw Abraham, Duw Ysak, ha Duw Yakob dhe omdhiskwedhes dhis.’

Eksodus 6:2

Ha Duw a leveris dhe Moyses, ‘My yw an Arloedh;

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 33:2

Yndellma y lever an Arloedh a wrug an nor, an Arloedh a'n formyas dh'y fastya – an Arloedh yw y hanow:

Daniel 2:23

Dhiso jy, A Dhuw ow thasow, y hwonn gras, ha'th wormel, rag re resys dhymm furneth ha galloes, ha lemmyn ty re dhisplegyas dhymm an pyth a wovynnsyn dhiworthis, rag ty re dhisplegyas dhyn mater an myghtern.’

Hosea 12:5

an Arloedh, Duw an luyow, an Arloedh yw y hanow a govadh.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Levitikus 24:11

Ha mab an Ysraelyades a vlasfemyas an Hanow ha'y vollethi. I a'n dros dhe Moyses. Hanow y vamm o Shelomith, myrgh Dibri a loeth Dan.

Mika 4:5

Rag an poblow oll a gerdh, pubonan yn hanow y dhuw; mes ni a gerdh yn hanow an Arloedh agan Duw ni, bys vykken ha bynnari.

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.

Matthew 22:32

“My yw Duw Abraham ha Duw Ysak ha Duw Yakob”? Nyns yw ev Duw an re varow saw a'n re vew.’

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Oberow 7:32

“Duw dha dasow ov vy, Duw Abraham hag Ysak ha Yakob.” Mes Moyses a grenas, ha ny vedhas mires.

Dewteronomi 1:11

Re'gas kressyo an Arloedh, Duw a'gas tasow, milblek moy es dell owgh, ha'gas benniga kepar dell gewsis dhywgh.

Dewteronomi 1:35

‘Nagonan a'n dus ma a'n drog henedh ma ny wel an tir da, a des dhe ri dh'agas tasow,

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Ebrowyon 13:8

Yesu Krist yw an keth de ha hedhyw ha bys vykken.