Eksodus 29:46 - An Bibel Kernewek 20234 (Kernewek Kemmyn)

⁴⁶ Hag i a wodhvydh my dhe vos an Arloedh aga Duw, a's dros yn-mes a bow Ejyp may trikken yn aga mysk; my yw an Arloedh aga Duw.

Eksodus 29:46 ပူးပေါင်းရင်းမြစ်များ

2 Kroniklys 6:18

‘Mes a yll Duw triga yn hwir gans mab-den war an dor? Ny yll nev, na'n ughella nev hogen, dha synsi, pygemmys le an chi ma re dhrehevis!

Salmow 114:2

Yuda o y sentri, hag Ysrael y vestrynsys.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 25:8

Ha gas i dhe wul dhymm sentri may trikkiv yn aga mysk.

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Yeremia 14:9

Prag y fydhydh avel gour penndegys, avel gour galloesek na yll sawya? Mes yth esos yn agan mysk, A Arloedh, ha dha hanow re beu gelwys warnan; na wra agan gasa.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Ezekiel 20:5

ha lavar dhedha, Yndellma y lever an Arloedh Duw: Y'n jydh may tewisis vy Ysrael my a dos gans leuv drehevys dhe has chi Yakob, hag omdhiskwedhes dhedha yn pow Ejyp. My a dhrehevis ow leuv dhedha ha ti, ow leverel, My yw an Arloedh agas Duw.

Ezekiel 34:24

My, an Arloedh, a vydh Duw dhedha, ha'm gwas Davydh a vydh pennsevik yn aga mysk. My, an Arloedh, re gewsis.

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 18:30

Ytho synsewgh ow charj, ma na wryllowgh travyth a'n ordenansow kasadow a'n par ma a veu gwrys kyns hwi dhe dhos, nag omdhefola dredha. An Arloedh agas Duw ov vy.

Levitikus 19:2

Kows orth kuntelles kowal mebyon Ysrael, ha leverel dhedha, Bedhewgh sans, rag sans ov vy, an Arloedh agas Duw.

Levitikus 26:11

Ha my a sett ow thabernakel yn agas mysk, ha ny wra ow spyrys agas aborrya.

Levitikus 26:12

Ha my a gerdh yn agas mysk ha bos agas Duw, ha hwi a vydh ow fobel.

Haggay 2:5

Hemma a gevambosis genowgh pan dheuthewgh yn-mes a Ejyp; ow spyrys a bes yntredhowgh, na berthewgh own.

Niverow 16:3

hag i a omguntellas war-barth erbynn Moyses hag erbynn Aron, ha leverel dhedha, ‘Hwi res eth re bell! Rag oll an kuntelles yw sans, peub anedha, hag yma an Arloedh yn aga mysk; ytho prag yth omughelhowgh a-ugh kemmynieth an Arloedh?’

1 Samuel 10:18

hag yn-medh ev dhe vebyon Ysrael, ‘Yndellma y lever an Arloedh, Duw Ysrael: “My a dhros Ysrael yn-bann yn-mes a Ejyp, ha'gas selwel yn-mes a leuv an Ejyptianys, hag yn-mes a leuv oll an gwlaskordhow a wre agas arwaska.”