Eksodus 29:43 - An Bibel Kernewek 20234 (Kernewek Kemmyn)

⁴³ Ena my a vet gans mebyon Ysrael a vydhons sanshes gans ow golewder.

Eksodus 29:43 ပူးပေါင်းရင်းမြစ်များ

1 Myghternedh 8:11

ma na ylli an oferysi sevel dhe venystra drefenn an gommolenn; rag golewder an Arloedh a lenwis chi an Arloedh.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

2 Kroniklys 5:14

ha ny allas an oferysi sevel dhe venystra drefenn an gommolenn; rag glori an Arloedh a lenwis chi Duw.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Eksodus 29:42

Offrynn leskys y fydh heb hedhi der agas henedhow dhe dharas tylda an kuntelles a-rag an Arloedh, le may fetyav genes, dhe gewsel ena genes.

Eksodus 29:44

My a saker tylda an kuntelles ha'n alter; Aron ynwedh ha'y vebyon my a wra sakra, dhe'm servya avel oferysi.

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Eksodus 40:35

Ha ny ylli Moyses entra tylda an kuntelles drefenn an gommolenn dhe bowes warnodho, ha golewder an Arloedh a lenwis an tabernakel.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ezekiel 43:5

Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Levitikus 9:4

Hag ynwedh ojyon ha hordh rag offrynnow kres dhe sakrifia dherag an Arloedh, hag offrynn greun kemmyskys gans oyl, rag hedhyw an Arloedh a omdhiskwedh dhywgh.” ’

Levitikus 9:6

Hag yn-medh Moyses, ‘Hemm yw an pyth a erghis an Arloedh may hwrellewgh, ha glori an Arloedh a vydh owth omdhiskwedhes dhywgh.’

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.