Eksodus 29:40 - An Bibel Kernewek 20234 (Kernewek Kemmyn)

⁴⁰ ha gans an kynsa oen degves rann a efa a vleus fin myskys gans kwarter hin a oyl gweskys, ha kwarter hin gwin rag offrynn diwes.

Eksodus 29:40 ပူးပေါင်းရင်းမြစ်များ

Jenesis 35:14

Ha Yakob a dhrehevis peulven y'n tyller may hwrussa kewsel ganso, peulven a ven; hag ev a dhinewis offrynn diwes warnodho, ha dinewi oyl warnodho.

2 Myghternedh 3:20

Ternos, a-dro dhe dermyn an offrynn greun, otta, dowr a dheuth a-dhiworth Edom, ha'n pow a veu lenwys a dhowr.

Eksodus 16:36

(Unn omer yw an degves rann a efa.)

Eksodus 29:39

Unn oen ty a offrynn myttinweyth, ha'y gila ty a wra offrynna gorthugherweyth;

Eksodus 29:41

Ha'n eyl oen ty a offrynn y'n gorthugher, hag offrynna ganso offrynn greun hag offrynn sans, avel myttinweyth, avel sawer plegadow, offrynn dre dan dhe'n Arloedh.

Eksodus 30:24

hag a gassia pymp kans, war-lergh shekel an sentri, hag a oyl oliv unn hin;

Ysay 57:6

Y'n meyn leven a nans yw dha rann; i, i yw an prenn tewlys ragos. Dhedha i ty re dhinewis offrynn diwes hag offrynna offrynn greun. A vydhav diserrys gans an re ma?

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 4:11

Ynwedh ty a yv hweghves rann a hin; yn termynyow settys ty a'n yv.

Ezekiel 45:17

Dever an pennsevik a vydh ri an offrynnow leskys, offrynnow greun, hag offrynnow diwes y'n goelyow, y'n loeryow nowydh hag y'n sabotys, oll an goelyow apoyntys a ji Ysrael; ev a brovi an offrynnow pegh, an offrynnow greun, an offrynnow leskys, ha'n offrynnow kres, dhe wul prenedh rag chi Ysrael.

Ezekiel 45:24

Hag ev a brovi offrynn greun, unn efa, rag pub tarow, ha hin a oyl rag pub efa.

Ezekiel 46:11

Y'n goelyow ha'n solempnitys an offrynn greun gans tarow a vydh efa, ha gans hordh efa, ha gans oen herwydh an galloes, war-barth gans hin a oyl rag pub efa.

Ezekiel 46:14

Ty a brovi offrynn greun ganso pub myttin, unn hweghves rann a efa, hag unn tressa rann a hin a oyl rag glybya an bleus fin, avel offrynn greun dhe'n Arloedh, avel ordenans bys vykken.

Ezekiel 46:5

An offrynn greun gans an hordh a vydh unn efa, ha'n offrynn greun gans an oen a vydh herwydh y vodh, war-barth gans hin a oyl rag pub efa.

Ezekiel 46:7

Hag ev a brovi offrynn greun unn efa rag an tarow hag efa rag an hordh, ha rag an eyn herwydh y vodh, war-barth gans hin a oyl rag pub efa.

Hosea 9:4

Ny dhiverons offrynnow gwin dhe'n Arloedh, ha ny vydh aga sakrifisow plegadow dhodho. Y fydh dhedha avel bara kynvann, peub neb a'n deber a vydh avlan: aga bara yw ragdha aga honan; ny dheu yn chi an Arloedh.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Yoel 1:9

Treghys dhe-ves yw offrynn greun hag offrynn diwes a-dhiworth chi an Arloedh; an oferysi a gyn, menystrys an Arloedh.

Yoel 2:14

Piw a woer mar kwra ev dehweles ha kemmeres edrek, ha gasa bennath a-dryv dhodho, offrynn greun hag offrynn diwes dhe'n Arloedh agas Duw?

Levitikus 23:13

Ha'n offrynn greun ganso a vydh diw dhegves rann a efa a vleus fin kemmyskys gans oyl, offrynn dre dan dhe'n Arloedh, sawer plegadow, ha'y offrynn diwes a vydh gwin, an peswora rann a hin.

Levitikus 6:13

Ha'n tan a bes ow leski pub eur oll war an alter; ny vydh difeudhys.

Niverow 15:24

ena mar peu gwrys heb y wodhvos ha heb godhvos an kuntelles, an kuntelles oll a wra offrynna unn tarow yowynk rag offrynn leskys, sawer plegadow dhe'n Arloedh, gans y offrynn greun ha'y offrynn diwes, war-lergh an devosow usadow, hag unn bogh rag offrynn pegh.

Niverow 15:7

ha rag an offrynn diwes ty a brof tressa rann a hin a win, sawer plegadow dhe'n Arloedh.

Niverow 28:10

hemm yw an offrynn leskys a bub sabot, ryb an offrynn leskys pub-dydhyek ha'y offrynn diwes.

Niverow 28:24

Y'n keth vaner ty a wra offrynna pub dydh, dres seyth dydh, boes offrynn dre dan, sawer plegadow dhe'n Arloedh; offrynnys vydh ryb an offrynn leskys pub-dydhyek ha'y offrynn diwes.

Niverow 28:5

ynwedh an degves rann a efa a vleus fin, rag offrynn greun, kemmyskys gans kwarter hin a oyl gweskys.

Niverow 29:16

ynwedh unn bogh rag offrynn pegh, ryb an offrynn leskys pub-dydhyek, y offrynn greun ha'y offrynn diwes.

Niverow 4:16

‘Hag Eleazar mab Aron an oferyas a'n jevydh charj a'n oyl rag an golow, an ynkys hweg, an offrynn greun pub-dydhyek, hag oyl an untyans, gans gorwel oll an tabernakel ha pup-tra eus ynno, an sentri ha'y lestri.’

Dewteronomi 32:38

neb a dhybris blonek aga sakrifisow, hag eva gwin aga offrynnow diwes? Sevens dh'agas gweres, ha bos skovva ragowgh.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;